آسٹریلوی مرکزی بینک (RBA) نے توقعات کے مطابق شرح سود (Interest rate) میں 25 بنیادی پوائنٹس کا اضافہ کر دیا ہے۔ ریزرو بینک آف آسٹریلیا کی طرف سے مانیٹری پالیسی کے لئے کی جانیوالی میٹنگ کے بعد شرح سود میں اضافے کا اعلان کیا گیا ہے جس سے شرح سود 2.85 فیصد سے بڑھ کر 3.1 فیصد سالانہ پر پہنچ گئی یے۔

بینک کی طرف سے جاری کئے جانیوالے پریس ریلیز کے مطابق مانیٹری پالیسی کے تعین کے لئے اگلی میٹنگ فروری 2023ء میں منعقد ہو گی جبکہ جنوری میں مانیٹری پالیسی کو اسی سطح پر برقرار رکھا جائے گا۔ یہ اضافہ توقعات اور تخمینوں کے عین مطابق ہے اور اسکے مثبت اثرات آسٹریلین ڈالر (AUD) پر مرتب ہونیکی توقع ہے۔