ہمارے لیے لکھیں۔

اردو مارکیٹس ایک متحرک پلیٹ فارم ہے۔ یہ اردو زبان میں بین الاقوامی اور پاکستانی مارکیٹس کے حوالے سے خبروں، تبصروں اور تجزیوں کا حامل ایک منفرد پورٹل ہے۔ ادارہ تخلیقی صلاحیتوں کے حامل افراد جو کہ اعلی صحافتی معیار پر یقین رکھتے ہوں اور ان کے لئے جو کہ معاشی رپورٹنگ اور تجزیوں سے اپنے کیریئر کا آغاز کرنا چاہتے ہیں کو خوش آمدید کہتا ہے اسوقت درجنوں مصنف اور رپورٹرز ادارے کے ساتھ منسلک ہیں جن کی شیمولیت کے لئے مندرجہ ذیل اصول و قوانین پر پورا اترنا ضروری ہے۔

ادارہ اپنی ٹیم سے اعلی صحافتی معیار کی پاسداری کی توقع رکھتا ہے۔ ایسی کوئی بھی تحریر جس سے سیاسی مقاصد کی تکمیل یا کسی مخصوص ایجنڈے کا شائبہ ہو قطعی طور پر قابل قبول نہیں ہے۔ اس کے علاوہ کسی کی کردار کشی یا صحافتی زبان سے ہٹ کر کوئی بھی تحریر حذف کر دی جائے گی۔ علاوہ ازیں کسی دوسرے مصنف کی نقالی پر مشتمل تحاریر بھی ادارے کے معیار کے مطابق قابل اشاعت نہیں ہیں۔

معیار

اردو مارکیٹس کی صحافتی ٹیم میں شامل ہونے کے لئے مواد کے اعلی معیار اور تحقیق و تصدیق کی پالیسی پر عمل پیرا ہونا ضروری ہے۔ امیدوار کے کئے معاشی مارکیٹس (Financial Markets ) اور اسٹاکس کے بنیادی طریقہ کار کا علم ہونا بنیادی شرط ہے۔ جبکہ بطور رائٹر صحافتی زبان کے خدوخال سے واقفیت بھی ضروری ہے تا کہ ہمارے قارئین تک مصدقہ اور معیاری معلومات کی فراہمی یقینی بنائی جا سکیں اور آپ کے فراہم کردہ مواد کو بھی وہ ستائش مل سکے جس کا وہ حقدار ہے۔

فراہم کردہ مواد کی انفرادیت

بطور رائٹر جو مضمون لکھا جا رہا ہے اسے تحقیق و حقائق سے بھرپور اور انفرادیت کا حامل ہونا چاہیئے اور متعلقہ شعبے (Category ) کے مطابق ہونا چاہیئے۔

زبان میں مہارت

تحریر کی زبان اور گرائمر پر مکمل عبور حاصل ہونا چاہیئے نیز صحافتی انداز کے تیکنیکی امور اور باریکیوں سے آگاہی بھی ضروری ہے۔

متعلقہ مضمون کی مہارت

جس شعبے کے آرٹیکلز لکھنا چاہتے ہیں اس کا مکمل علم ہونا ضروری ہے۔

تحقیق کے طریقہ کار سے واقفیت۔

امیدوار کو معاشی اطلاعات کے حصول کے لئے دستیاب اطلاعات (Information) کے حصول کے لئے استعمال کئے جانیوالے ٹولز کے استعمال ہونے والے ٹولز کا علم ہونا بھی ادارے کی بنیادی شرائط میں سے ایک ہے۔ دور حاضر میں معاشی مارکیٹس کے اعداد وشمار کے حصول کے لئے تحقیقی ٹولز کی افادیت مسلمہ ہے اور بطور تخلیقی رائٹر اس کے بغیر معیاری مواد کی تخلیق ممکن نہیں ہے۔

اخلاقی ضوابط

دوسرے رائٹرز کی نقالی اور مواد کو بغیر ریفرینس کے اپنے مضمون کا حصہ بنانا صحافتی اصولوں پر پورا نہیں اترتا اور اردو مارکیٹس اس قسم کے عمل کی قطعی طور پر حوصلہ افزائی نہیں کرتی اور ایسے تمام آرٹیکلز کو حذف کر دیا جاتا ہے۔ ادارے کی ایڈیٹوریل ٹیم کا حصہ بننے کے لئے مواد کا منفرد اور تخلیقی ہونا ضروری ہے۔

ادارے کی پالیسی اور تصنیفی اصول و قوانین کے مطابق ہماری ٹیم میں شامل ہو کر عالمی مارکیٹس کا تجربہ حاصل کرنے کے لئے نیچے دیئے گئے لنک پر کلک کر کے ادارے کے ساتھ رابطہ کیا جا سکتا ہے۔