آج ایشیائی اسٹاکس میں کاروباری دن کا اختتام منفی رجحان کے ساتھ ہوا ہے جس کی بنیادی وجہ چین کی طرف سے کورونا کی پابندیوں میں نرمی کے باوجود عالمی رسد کی بحالی کے سلسلے میں پائی جانیوالی بے یقینی ہے۔ آج Hangseng انڈیکس میں 437 پوائنٹس کی کمی واقع ہوئی ہے جس کے بعد یہ 19463 کی سطح پر بند ہوا ہے۔ جبکہ ہانگ کانگ کے Tech Index میں 3 فیصد کی کمی دیکھی گئی ہے۔ آج انڈیکس میں گراوٹ کے باوجود ایئر لائنز اسٹاکس کی قدر میں اضافہ ہوا ہے جبکہ ٹیکنالوجی اسٹاکس (Tech Stocks) کی قدر میں کمی واقع ہوئی ہے۔ Shenzhen Index آج 102 پوائنٹس کی کمی سے 11399 کی سطح پر آ گیا ہے دوسری طرف Shanghai Composite میں دن کا اختتام 27 پوائنٹس نیچے 3179 کی سطح پر ہوا ہے۔

آج KOSPI میں بھی دن کا اختتام 16 پوائنٹس کی کمی اور ملے رجحان کے ساتھ 2373 کی سطح پر ہوا ہے جسکی بنیادی وجوہات میں چینی رسد کی بحالی کے سلسلے میں کسی واضح اعلان کے نہ ہونے کے علاوہ شمالی کوریا کے میزائل تجربات اور خطے میں پائی جانیوالی کشیدگی ہے۔ Straight Times Index بھی 6 پوائنٹس کی کمی واقع ہوئی ہے جس کے بعد انڈیکس 3239 کی سطح پر آ گیا ہے۔ ایشیائی بینچ مارک CNBC100 میں بھی دن کا اختتام 98 پوائنٹس کی کمی کے ساتھ 7869 کی سطح پر ہوا ہے۔ انڈیکس میں دن کا آغاز 8041 سے ہوا جبکہ اس کی بلند ترین سطح بھی یہی رہی اور کم ترین لیول 7949 رہا ہے۔ تائیوان اسٹاک ایکسچینج (TSEC) میں بھی کاروباری سرگرمیاں 92 پوائنٹس نیچے 14612 پر بند ہوئی ہیں۔

اگر جاپانی اسٹاکس انڈیکس Nikkei225 کا جائزہ لیں تو دن کا اختتام 58 پوائنٹس نیچے 27842 پر ہوا ہے۔ جاپانی اسٹاکس میں گذشتہ رات (ایشیائی وقت کے مطابق) سے ہی Wall Street میں شدید سیلنگ ریکارڈ کی گئی تھی۔ اسکی بلند ترین سطح 27865 اور کم ترین لیول 27734 رہا ہے۔