امریکی سینیٹرز ایلزبتھ ویرن اور راجرز مارشل نے امریکی سینیٹ میں ڈیجیٹل اثاثوں پر منی لانڈرنگ قوانین کے اطلاق کا بل (Digital Assets Anti Money Laundering Act) پیش کر دیا ہے۔ جس کے مطابق کرپٹو والٹس استعمال کرنیوالے صارفین کی تفصیلات ٹرانزیکشن سے پہلے اپنی ڈیٹا بیس میں ریکارڈ کرنا ضروری قرار دیا جائے گا۔

پیش کئے گئے بل کے مطابق ڈیجیٹل اثاثوں کو گمنام اکاؤنٹس میں منتقل کرنیوالے کرپٹو نیٹ ورکس کے خلاف اینٹی منی لانڈرنگ قوانین کے تحت کاروائی کی جا سکے گی۔ یہاں یہ بھی بتاتے چلیں کہ گذشتہ روز کینیڈین حکومت نے Crypto Leverage اور مارجن ٹریڈ پر مکمل طور پر پابندی عائد کر دی تھی۔ FTX گیٹ اسکینڈل کے بعد دنیا بھر میں کرپٹو ریگولیشنز کے حوالے سے قانون سازی کی جا رہی ہے۔