برسلز (یورو نیوز) ۔ افراط زر اور توانائی کے بحران کے یورپی یونین کی معیشت پر منفی اثرات جاری ہیں۔ یورپی کمیشن برائے تجارت کی آج جاری ہونیوالی رہورٹ کے مطابق یورپی یونین کو مارچ میں توانائی کی درآمدات کیلئے 16.4 بلیئن یورو سے زائد ادا کنے پڑے جو کہ پچھلے سال کی انرجی درآمدات کی نسبت 14 فیصد سے زائد ہے۔ رپورٹ کے مطابق مجموعی طور پر فروری کی نسبت مارچ میں یورپی یونین کا تجارتی خسارہ یعنی ٹریڈ ڈیفیسٹ 27.7 بلیئن یورو سے زائد رہا ۔ یورپی زون کی باقی دنیا کو برآمدات کا حجم مارچ میں 250.1 بلیئن یورو رہا جبکہ درآمدات کا حجم 266.5 بلیئن یورو سے زائد تھا جو کہ فروری کی نسبت 35 فیصد جبکہ مارچ 2021 کی نسبت 14 فیصد زیادہ ہے ۔ رپورٹ کے مطابق آنیوالے عرصے میں یورو زون کا تجارتی خسارہ اس سے کہیں زیادہ بڑھ سکتا ہے ۔