کراچی( اسٹاک مارکیٹ سمری)۔ کاروبار کے آغاز میں مثبت زون میں ٹریڈ کرتی اسٹاک مارکیٹ جمعہ کے وقفے سے پہلے اس وقت کریش کر گئی تھی جب حکومت پاکستان نے صنعتوں پر سپر ٹیکس لگانے کا اعلان کیا تھا ۔ اس اعلان کے بعد 10 منٹ کے اندر شیئر بازار کا ہر حصص اپنی کاروباری دن کی کم ترین سطح یعنی لوئر لاک کر گیا تھا۔ تاہم وقفے کے بعد مارکیٹ نے ریکور کرنے کی کوشش کی لیکن شیئرز کی افراتفری میں اتنی فروخت ہو چکی تھی کہ دوبارہ مارکیٹ سنبھل نہ سکی اور آج کےدن کا اختتام 1665 پوائنٹس کی مندی پر ہوا۔ یوں کے ایس۔ای ہنڈرڈ انڈیکس 41051 کی سطح پر بند ہوا۔