Gold سونے کی قیمت (XAU/USD) جمعہ کے ایشیائی سیشن میں 5,000 ڈالر کی نفسیاتی سطح کے قریب محدود رینج میں گھوم رہی ہے۔ گزشتہ دو روز کی معمولی تیزی کے باوجود خریدار بڑے فیصلے سے گریزاں ہیں۔ کیونکہ مارکیٹ اب امریکی چوتھی سہ ماہی کی GDP رپورٹ اور PCE پرائس انڈیکس کے اجراء کا انتظار کر رہی ہے۔ یہی ڈیٹا آئندہ دنوں میں Federal Reserve کی شرح سود پالیسی کے بارے میں توقعات کو واضح کرے گا۔ جس کا براہِ راست اثر امریکی ڈالر اور سونے پر پڑے گا۔

امریکی ڈیٹا کیوں اہم ہے؟

Advance Q4 GDP معیشت کی رفتار ظاہر کرے گی۔

PCE Price Index فیڈ کا پسندیدہ افراطِ زر کا پیمانہ ہے۔

اگر ڈیٹا مضبوط آیا تو مارکیٹ فیڈ کی جانب سے جلد شرح سود میں کمی کی توقعات مزید کم کر سکتی ہے۔ جس سے امریکی ڈالر مضبوط اور سونے پر دباؤ بڑھ سکتا ہے۔ کمزور ڈیٹا کی صورت میں ڈالر کمزور اور سونے کو سہارا مل سکتا ہے۔

Fed فیڈ منٹس اور شرح سود کی توقعات

جنوری کے FOMC اجلاس کے منٹس سے ظاہر ہوا کہ پالیسی ساز جلدی میں شرح سود کم کرنے کے حق میں نہیں۔ بعض اراکین نے یہ بھی کہا کہ اگر افراطِ زر کم نہ ہوا تو شرح سود میں دوبارہ اضافہ بھی ممکن ہے۔

حالیہ مضبوط لیبر مارکیٹ ڈیٹا اور فیڈ حکام کے سخت بیانات کے بعد سرمایہ کاروں نے جارحانہ شرح سود میں کمی کی توقعات کم کر دی ہیں۔ اس ری پرائسنگ نے امریکی ڈالر کو 23 جنوری کے بعد بلند ترین سطح پر پہنچایا۔ جو سونے کے لیے ایک بڑی رکاوٹ ثابت ہو رہی ہے۔

جغرافیائی کشیدگی سونے کو سہارا دے رہی ہے

امریکی صدر Donald Trump نے ایران کو اس کے جوہری پروگرام پر معاہدہ کرنے کے لیے 10 سے 15 دن کی ڈیڈ لائن دی ہے۔ اور سخت نتائج کی وارننگ دی ہے۔ جواب میں ایران نے اقوام متحدہ کے سیکرٹری جنرل Antonio Guterres کو بتایا۔ کہ وہ جنگ نہیں چاہتا مگر فوجی جارحیت برداشت نہیں کرے گا۔

یہ بیانات مشرقِ وسطیٰ میں ممکنہ فوجی تصادم کے خدشات کو بڑھاتے ہیں۔ جو روایتی طور پر سیف ہیون اثاثہ ہونے کے باعث سونے کو سپورٹ فراہم کرتے ہیں۔

Gold تکنیکی تجزیہ: XAU/USD

سونا جمعرات کو 100 گھنٹے کی Simple Moving Average (SMA) سے اچھال لینے میں کامیاب رہا۔ یہ موونگ ایوریج تقریباً 4,965 ڈالر کے قریب سپورٹ فراہم کر رہی ہے۔

MACD ابھی بھی زیرو لائن سے نیچے ہے، مگر منفی ہسٹوگرام سکڑ رہا ہے۔ جو کمزور ہوتی مندی کا اشارہ دیتا ہے۔ RSI تقریباً 53 پر ہے، جو نیوٹرل زون میں ہے اور محتاط بحالی کا اشارہ دے رہا ہے۔

اگر قیمت 100-SMA سے اوپر برقرار رہتی ہے اور MACD میں بُلش کراس اوور آتا ہے تو مزید تیزی ممکن ہے۔ تاہم، اگر RSI نیچے مڑتا ہے اور مومینٹم کمزور پڑتا ہے تو قیمت دوبارہ موونگ ایوریج کو ٹیسٹ کر سکتی ہے۔

مجموعی جائزہ

اس وقت بنیادی عوامل ملے جلے ہیں۔ جغرافیائی کشیدگی سونے کے لیے مثبت ہے جبکہ مضبوط امریکی ڈیٹا ڈالر کو سہارا دے رہا ہے۔ شرح سود میں کمی کی توقعات کم ہونے سے سونے پر دباؤ برقرار ہے۔

اسی لیے مارکیٹ بڑے امریکی ڈیٹا سے پہلے رینج ٹریڈنگ موڈ میں ہے۔ واضح بریک آؤٹ کے بغیر جارحانہ پوزیشن لینا خطرناک ہو سکتا ہے۔