برطانوی پاؤنڈ (GBP) جمعہ کے یورپی سیشن کے دوران امریکی ڈالر (USD) کے مقابلے میں معمولی اضافے کے ساتھ 1.3500 کے قریب ٹریڈ کر رہا ہے۔ GBP/USD جوڑی اس وقت اوپر کی جانب مائل ہے۔ کیونکہ امریکی ٹریژری بانڈز کی ییلڈز میں کمی کے باعث امریکی ڈالر دباؤ میں ہے۔ 10 سالہ امریکی بانڈ ییلڈ تقریباً 4% کی سطح تک گر چکی ہے۔ جو ایک سال سے زائد عرصے کی کم ترین سطح ہے۔

تحریر کے وقت، امریکی ڈالر انڈیکس (DXY) جو گرین بیک کی قدر کو چھ بڑی کرنسیوں کے مقابلے میں ماپتا ہے۔ تقریباً 0.2% کمی کے ساتھ 97.60 کے قریب ٹریڈ کر رہا ہے۔

امریکی PPI ڈیٹا پر نظریں

جمعہ کے سیشن میں سرمایہ کاروں کی توجہ جنوری کے امریکی پروڈیوسر پرائس انڈیکس (PPI) ڈیٹا پر ہوگی۔ جو 13:30 GMT پر جاری کیا جائے گا۔ یہ ڈیٹا اس بات کا اشارہ دے سکتا ہے۔ کہ فیڈرل ریزرو (Fed) آئندہ مانیٹری پالیسی کے حوالے سے کیا حکمت عملی اختیار کر سکتا ہے۔ اگر مہنگائی کے دباؤ میں اضافہ ظاہر ہوا تو شرح سود میں کمی کی توقعات کمزور ہو سکتی ہیں۔ جبکہ کمزور اعداد و شمار ڈالر پر مزید دباؤ ڈال سکتے ہیں۔

بینک آف انگلینڈ کی شرح سود توقعات

اگرچہ پاؤنڈ اس وقت امریکی ڈالر کے مقابلے میں مضبوط دکھائی دے رہا ہے۔ لیکن دیگر بڑی کرنسیوں کے مقابلے میں اس کی کارکردگی نسبتاً کمزور ہے۔ اس کی بڑی وجہ یہ توقعات ہیں۔ کہ بینک آف انگلینڈ (BoE) مارچ کی پالیسی میٹنگ میں شرح سود میں کمی کر سکتا ہے۔

مزید رہنمائی کے لیے سرمایہ کار BoE کے چیف اکانومسٹ ہیو پِل (Huw Pill) کی تقریر پر توجہ دیں گے۔ جو 13:00 GMT پر شیڈول ہے۔ ان کے بیانات سے برطانیہ کی شرح سود کے آئندہ راستے کے بارے میں اہم اشارے مل سکتے ہیں۔

GBP/USD تکنیکی تجزیہ

GBP/USD اس وقت 1.3492 کے قریب ٹریڈ کر رہا ہے۔ قلیل مدتی رجحان غیر جانبدار ہے۔ مگر ہلکا سا منفی جھکاؤ موجود ہے کیونکہ قیمت 20 دن کی ایکسپونینشل موونگ ایوریج (EMA) 1.3550 کے نیچے برقرار ہے۔

RSI (14 دن) تقریباً 40.00 کی سطح کے قریب ہے، جو کمزور مومینٹم کی نشاندہی کرتا ہے۔

اگر RSI 40 سے نیچے جاتا ہے تو مزید مندی کا امکان بڑھ سکتا ہے۔

مزاحمتی سطحیں (Resistance)

ابتدائی رکاوٹ: 1.3550 (20 دنہ EMA)

اس کے اوپر یومیہ بندش کی صورت میں ہدف: 1.3680

اگلی بڑی مزاحمت: جنوری کی بلند ترین سطح 1.3830

سپورٹ سطحیں (Support)

فوری سپورٹ: 1.3434 (19 فروری کی کم ترین سطح)

اس کے نیچے بریک کی صورت میں اگلا ہدف: 1.3360

مجموعی طور پر، ڈالر کی کمزوری نے پاؤنڈ کو سہارا دیا ہے، تاہم بینک آف انگلینڈ کی ممکنہ شرح سود میں کمی کی توقعات پاؤنڈ کی پیش رفت کو محدود رکھ سکتی ہیں۔