ڈچ TTF نیچرل گیس فیوچرز (اپریل 2026 کنٹریکٹ)، جو یورپ میں گیس کی قیمتوں کا بنیادی بینچ مارک سمجھا جاتا ہے۔ منگل کے روز زبردست تیزی کے ساتھ تقریباً €59.62 پر ٹریڈ کر رہا ہے۔ دن کے دوران قیمت میں 33.97٪ اضافہ دیکھا گیا۔ جبکہ جمعہ کی بندش کے بعد سے اب تک مجموعی اضافہ 85٪ سے زیادہ ہو چکا ہے۔

یہ غیر معمولی ریلی اس وقت شروع ہوئی جب QatarEnergy نے اپنے صنعتی تنصیبات پر حملوں کے بعد تمام لیکویفائیڈ نیچرل گیس (LNG) کی پیداوار معطل کرنے کا اعلان کیا۔

عالمی سپلائی کو بڑا دھچکا

قطر عالمی LNG مارکیٹ میں تقریباً 20٪ برآمدی صلاحیت رکھتا ہے۔ راس لفان اور مسعید کے بڑے پیداواری مراکز کی بندش 2022 میں روس کے یوکرین پر حملے کے بعد گیس مارکیٹ میں سب سے بڑا سپلائی شاک قرار دی جا رہی ہے۔

فورس میجر کے اعلان کے بعد وہ خریدار جو طویل مدتی معاہدوں سے منسلک تھے۔ اب اسپاٹ مارکیٹ سے مہنگے داموں کارگو حاصل کرنے پر مجبور ہو سکتے ہیں۔ جس سے عالمی سطح پر مسابقت مزید بڑھنے کا خدشہ ہے۔

آبنائے ہرمز میں کشیدگی

کشیدگی صرف قطری تنصیبات تک محدود نہیں۔ Strait of Hormuz کے ذریعے گزرنے والی جہاز رانی بھی شدید متاثر ہوئی ہے۔ جو خلیجی تیل اور گیس برآمدات کے لیے ایک اہم راستہ ہے۔

اگرچہ ساختی نقصان طویل نہ بھی ہو، صرف ترسیل میں سست روی ہی یورپ اور ایشیا کے درمیان امریکی اور آسٹریلوی LNG کارگو کے لیے سخت مقابلے کو جنم دینے کے لیے کافی ہے۔

یورپ زیادہ خطرے میں کیوں؟

یورپ کی صورتحال خاص طور پر نازک ہے کیونکہ موجودہ ذخیرہ سطح گزشتہ سال کے اسی عرصے کے مقابلے میں کم ہے۔ روسی پائپ لائن سپلائی میں کمی کے بعد یورپ نے LNG پر انحصار بڑھا دیا تھا۔ جس سے سمندری راستوں اور جغرافیائی کشیدگی پر اس کا انحصار بڑھ گیا ہے۔

بلومبرگ کے مطابق، Goldman Sachs کے تجزیہ کاروں کا اندازہ ہے۔ کہ اگر آبنائے ہرمز سے ترسیل میں ایک ماہ کی رکاوٹ آتی ہے۔ تو یورپی گیس کی قیمتیں دوگنی ہو سکتی ہیں۔ اگر یہ خلل دو ماہ سے زائد جاری رہا تو قیمتیں €100 فی میگاواٹ آور سے بھی اوپر جا سکتی ہیں۔ جس سے عالمی سطح پر طلب میں کمی (Demand Destruction) پیدا ہو سکتی ہے۔

امریکہ میں صورتحال

امریکہ میں Henry Hub فیوچرز نسبتاً معتدل انداز میں بڑھ رہے ہیں۔ امریکی نیچرل گیس (XNG/USD) تقریباً $3.15 پر ٹریڈ کر رہی ہے۔ جو دن میں 5.40٪ اضافہ ظاہر کرتی ہے۔ چونکہ امریکی مارکیٹ درآمدات پر کم انحصار کرتی ہے۔ اس لیے وہاں اثر نسبتاً محدود ہے۔

تاہم یورپ اور ایشیا میں بلند قیمتیں امریکی برآمدی پریمیم کو بڑھا رہی ہیں، جبکہ امریکی لیکویفیکشن پلانٹس پہلے ہی بلند صلاحیت پر کام کر رہے ہیں، جس سے اضافی سپلائی کی گنجائش محدود ہو گئی ہے۔

آگے کیا ہوگا؟

یہ واقعہ نیچرل گیس مارکیٹ میں جغرافیائی سیاسی خطرات کے تاثر کو مزید گہرا کر سکتا ہے۔ اگرچہ قطری پیداوار جلد بحال بھی ہو جائے، لیکن دستیاب کارگو کے لیے سخت مقابلہ ڈچ TTF نیچرل گیس فیوچرز کو آنے والے ہفتوں میں بلند سطح پر رکھ سکتا ہے۔

مارکیٹ میں اب ایک مستقل رسک پریمیم شامل ہونے کا امکان بڑھ گیا ہے، جو فارورڈ کنٹریکٹس میں بھی نظر آ سکتا ہے۔ سرمایہ کاروں اور درآمد کنندگان کے لیے آنے والے دن انتہائی اہم ہوں گے، کیونکہ صورتحال میں معمولی تبدیلی بھی قیمتوں میں شدید اتار چڑھاؤ پیدا کر سکتی ہے۔