میلبورن( آسٹریلین سیشنز اپڈیٹ)۔ آج امریکی ڈالر کے مقابلے میں آسٹریلین ڈالر کی قدر میں تیزی دکھائی دے رہی ہے۔ آسٹریلین ڈالر نے گزشتہ دو ماہ کی کھوئی ہوئی قدر بحال کرتے ہوئے 0.6900 کی حد عبور کر لی ہے۔ واضح رہے کہ گزشتہ ہفتے سے امریکی کنزیومر پرائس انڈیکس ڈیٹا جاری کئے جانے کے بعد سے آسٹریلین ڈالر جارحانہ موڈ میں اپنی کھوئی ہوئی قدر بحال کر رہا ہے۔ اسکے علاوہ کرنسی کی قدر میں تیزی کی دوسری بڑی وجہ ریزرو بینک آف آسٹریلیا کی طرف سے معیشت کی اصلاحات ہیں۔ گزشتہ روز ہونے والے مرکزی بورڈ کے اجلاس کے بعد واضح اشارہ دیا گیا ہے کہ 2 اگست کو ہونیوالے بینک کے مرکزی بورڈ کے اجلاس میں 50 بنیادی پوائنٹس شرح سود میں اضافہ کیا جائے گا۔