فیڈرل ریزرو ویک کا اختتامیہ یورپی سنٹرل بینک کی طرف منتقل ہو رہا ہے۔ آج یعنی 29 جولائی 2022 ء کو عالمی معیاری وقت 5-30 بجے فرانس کا ابتدائی جی۔ڈی۔پی ڈیٹا جاری کیا جائے گا۔ اسکے آدھے گھنٹے کے بعد یعنی عالمی معیاری وقت کے مطابق 6 بجے جرمن امپورٹ پرائس انڈیکس برائے جون کے اعداد و شمار جاری کئے جائیں گے۔ اسکے بعد 6-45 منٹ پر فرانس کی جولائی کیلئے کنزیومر پرائس انڈیکس رپورٹ کا تخمینہ جاری ہو گا۔ اسکے پندرہ منٹ کے بعد یعنی 7 بجے عالمی معیاری وقت کے مطابق سپین کے بھی کنزیومر پرائس انڈیکس ڈیٹا کا تخمینہ جاری کیا جائے گا۔ جبکہ سوئٹزرلینڈ کا لیڈنگ انڈیکیٹر انڈیکس بھی 7 بجے ہی جاری کیا جائے گا۔ عالمی معیاری وقت 8 بجے کے قریب جرمن بیروزگاری کا ڈیٹا ریلیز کیا جائے گا۔ اور اسی وقت یعنی 8 بجے ہی اٹلی کے سال 2022 ء کے دوسرے کوارٹر کے جی۔ڈی۔پی کا تخمینہ جاری کیا جائے گا۔ عالمی معیاری وقت 8-30 بجے برطانوی مارگیج ڈیٹا جبکہ 9 بجے کے قریب یورو زون کی کنزیومر پرائس انڈیکس اور جی-ڈی۔پی کا تخمینہ جاری ہو گا ۔ اگر اس کاروباری  ہفتے کا آغاز امریکہ سے یوا تھا تو ہفتے کا اختتامی سیشن یورپ کے نام سے منسوب کرنا غلط نہیں ہو گا۔ ان تمام واقعات کے یورو انڈیکس پر دور رس اثرات مرتب ہوں گے۔