چین کے مرکزی بینک نے کنزیومر پرائس انڈیکس رپورٹ جاری کر دی ہے۔ جاری کئے گئے ڈیٹا کے مطابق ملک میں افراط زر 2.7 فیصد سالانہ کی شرح سے بڑھی ہے۔ جبکہ متوقع افراط زر 2.9 فیصد تھی۔ رپورٹ کے مطابق چین میں مہنگائی کنٹرل میں ہے اور دیگر بین الاقوامی معاشی طاقتوں کے مقابلے میں محض 0.5 فیصد ماہانہ شرح سے اضافہ ہو رہا ہے۔ رپورٹ میں مزید بتایا گیا ہے کہ یوکرائن جنگ اور عالمی معاشی بحران کے علاوہ کورونا کے باعث لاک ڈاؤن اور سخت پابندیوں کے باوجود انفلیشن کا ایک خاص حد تک قابو میں رہنا چینی حکومت اور پیپلز بینک آف چائنا کی بہت بڑی کامیابی اور معاشی ہدف کا حصول ہے۔ بینک کے مطابق مانیٹری پالیسی کے بارے میں تبدیلی کے امکانات نہیں ہیں اور نہ ہی شرح سود میں ممکنہ طور پر کوئی تبدیلی کی جا رہی ہے۔