ایشیائی ممالک کی طرف سے روسی تیل کے آرڈرز میں 5 لاکھ بیرل تیل روزانہ کی کمی واقع ہوئی ہے جس کے بعد تیل کی روسی ایکسپورٹس گذشتہ پانچ ماہ کی کم ترین سطح پر آ گئی ہیں۔ واضح رہے کہ یوکرائن پر حملے اور مغربی ممالک کی طرف سے پابندیاں عائد کئے جانے کے بعد روس کے 50 فیصد سے زائد کسٹمرز ایشیائی ممالک ہیں۔ مجموعی طور پر جولائی 2022 ء تک روس روزانہ 3.62 ملیئن بیرل کروڈ آئل روزانہ برآمد کر رہا تھا جبکہ اگست میں یہ مقدار کم ہو کر 3.04 ملیئن بیرل تک آ گئی ہے تاہم کریملن کی طرف سے جاری کئے جانے والے اعداد و شمار کے مطابق انڈیا اور چین کو خصوصی رعایت کے تحت کروڈ آئل کی فراہمی جاری ہے اور پالیسی میں کوئی تبدیلی نہیں کی جا رہی۔