چین کی سالانہ کنزیومر پرائس انڈیکس رپورٹ ( C.P.I Report) جاری کر دی گئی ہے۔ پیپلز بینک آف چائنا کی طرف سے جاری کردہ اعداد و شمار کے مطابق گذشتہ ایک سال کے دوران چین میں افراط زر ( Rate of Inflation ) کی شرح 2.5 فیصد رہی ہے۔ جبکہ اس سے قبل جاری کردہ تخمینہ رپورٹ میں 2.8 فیصد افراط زر ( Inflation) کی پیشگوئی کی گئی تھی۔ جبکہ اس کا تقابلہ گذشتہ رپورٹ کے ساتھ کیا جائے تو 2.4 فیصد افراط زر کی شرح تھی۔ اگرچہ گذشتہ سال کی نسبت کنزیومر پرائس انڈیکس ( Consumer Price Index) میں معمولی اضافہ دیکھا گیا ہے تاہم اس سال یہ ڈیٹا توقعات سے زیادہ بہتر رہا ہے۔ جس کے چینی معاشی اعشاریوں ( Chinese Financial Indicators ) پر مثبت اثرات مرتب ہوں گے اور معیشت کی سست روی دور کرنے میں مدد ملے گی۔