آج یورپیئن مارکیٹس میں مجموعی طور پر دن کا آغاز منفی رجحان کے ساتھ ہوا ہے۔ لیکن اٹالیئن ایم۔آئی۔بی ( Italian MIB ) 124 پوائنٹس کی تیزی کے ساتھ 22119 کی سطح پر ٹریڈ کر رہی ہے۔ برطانوی فٹ۔سی ( British FTSE ) 68 پوائنٹس کی گراوٹ کے ساتھ 7317 کے لیول پر ٹریڈ کر رہی ہے۔ جرمن ڈیکس ( German Dax ) 77 پوائنٹس کی مندی کی شکار ہونے کے بعد 13111 پر آ گئی ہے۔ سوئس مارکیٹ انڈیکس ( SMI ) 99 پوائنٹس کی مندی کے ساتھ 10792 کی سطح پر آ گیا ہے۔ روسی اسٹاک مارکیٹ 37 پوائنٹس کی گراوٹ کے ساتھ 2409 پر ٹریڈ کر رہی ہے۔ فرینچ سی۔اے۔سی ( French CAC ) میں آج ملا جلا رجحان ہے۔ انڈیکس 18 پوائنٹس کی کمی سے 6225 اور اسپینش آئی۔بیکس ( Spanish Ibex ) میں بھی اگرچہ ملا جلا رجحان ( Mixed Trend ) ہے اور انڈیکس 32 پوائنٹس کے اضافے کے ساتھ 8096 کی سطح پر آ گیا ہے۔ یورپی اسٹاکس میں کمی کی سب سے بڑی وجہ گذشتہ دو روز سے یورو کی قدر میں مسلسل کمی قرار دی جا رہی ہے۔