واشنگٹن( نیوز رپورٹ)۔ کرپٹو مارکیٹ میں اتار چڑھاؤ کا سلسلہ جاری ہے۔ بٹ کوائن 20 ہزار ڈالر فی کوائن کی سطح سے نیچے آ گیا ہے اور اسوقت 19905 ڈالرز فی کوائن پر فروخت ہو رہا ہے۔ ایتھیریم 1500 ڈالر کی سطح سے اوپر مستحکم نظر آ رہا ہے اور 1530 ڈالرز میں فروخت ہو رہا ہے۔ سولانا کی قدر میں گزشتہ چوبیس گھنٹوں کے دوران 3 ڈالرز سے زائد کی کمی دیکھی گئی ہے جس کے بعد یہ 30 ڈالر پر آ گیا ہے۔ واضح رہے کہ 30 ڈالرز سے نیچے سولانا کا بیئرش زون شروع ہو جاتا ہے۔ پولکا ڈاٹ اپنی مستحکم سپورٹ 7 ڈالر کو توڑ کر 6.90 ڈالر فی کوائن پر آ گیا ہے۔ دیگر کرپٹو کرنسیز کی قدر میں بھی گراوٹ ریکارڈ کی گئی ہے۔