پاکستانی دارالحکومت اسلام آباد میں ہونے والے امریکہ-ایران مذاکرات کی ناکامی نے عالمی برادری اور خاص طور پر عالمی سرمایہ کاروں (Investors) کو Middle East کے مستقبل بارے تشویش میں مبتلا کر دیا ہے۔ امریکی نائب صدر جے ڈی وینس اور ایرانی وفد کے درمیان ہونے والی یہ گفتگو اگرچہ طویل اور تکنیکی لحاظ سے گہری تھی. لیکن تہران اور واشنگٹن کے درمیان پائے جانے والے بنیادی اختلافات دور کرنے میں ناکام رہی۔

فنانشل مارکیٹ کے ایک تجربہ کار اسٹریٹجسٹ کے طور پر، میں دیکھ رہا ہوں کہ Middle East کی یہ صورتحال محض تین ممالک کا سیاسی جھگڑا نہیں ہے. بلکہ یہ عالمی معیشت کے لیے ایک "سپلائی چین شاک” (Supply Chain Shock) کا پیش خیمہ ثابت ہو سکتی ہے۔ جب بھی تہران اور واشنگٹن کے درمیان تناؤ بڑھتا ہے. سرمایہ کار ‘سیف ہیون’ (Safe Haven) اثاثوں جیسے سونے (Gold) کی طرف بھاگتے ہیں۔

اسلام آباد مذاکرات کی ناکامی کی بنیادی وجوہات کیا تھیں؟

ایران کا ایٹمی پروگرام اور امریکی الٹی میٹم

مذاکرات کی ناکامی کی سب سے بڑی وجہ ایران کا جوہری پروگرام (Nuclear Program) ہے۔ امریکہ کا مطالبہ ہے کہ ایران مکمل طور پر ہتھیار ڈال دے. اور اپنی یورینیم افزودگی کی صلاحیت ختم کر دے۔ دوسری جانب، بڑے پیمانے پر تباہی کے باوجود  ایران خود کو ایک فاتح پوزیشن میں دیکھ رہا ہے۔

سخت گیر موقف (Hardline Stance)

صدر ڈونلڈ ٹرمپ کی انتظامیہ "زیادہ سے زیادہ دباؤ” (Maximum Pressure) کی پالیسی پر عمل پیرا ہے۔ جے ڈی وینس کا موقف واضح تھا کہ تہران کو امریکی شرائط تسلیم کرنی ہوں گی۔ تاہم، ایران کا ماننا ہے کہ اس نے میدانِ جنگ میں کافی مزاحمت دکھائی ہے. اور وہ آبنائے ہرمز جیسے اہم تجارتی راستے کو بند کرنے کی صلاحیت رکھتا ہے۔

مستقبل کے ممکنہ منظرنامے: اب آگے کیا ہو گا؟

اسوقت اقوام عالم کے ذہنوں میں ایک ہے سوال ہے. "کیا Middle East میں امریکہ اور ایران کے درمیان براہِ راست جنگ دوبارہ شروع ہو سکتی ہے؟”

موجودہ حالات میں تین بڑے منظرنامے سامنے آ رہے ہیں.

1. اقتصادی ناکہ بندی کا سخت ہونا: ٹرمپ انتظامیہ ایران کی بحری ناکہ بندی (Naval Blockade) کر سکتی ہے تاکہ ایرانی تیل کی برآمدات کو مکمل طور پر روکا جا سکے۔

• خفیہ سفارت کاری (Back-channel Diplomacy): اگرچہ باضابطہ مذاکرات ختم ہو گئے ہیں، لیکن پاکستان کے ذریعے اب بھی بالواسطہ پیغامات کا تبادلہ جاری ہے۔ یہ ایک مثبت علامت ہے. کہ دونوں فریق مکمل طور پر پل مسمار نہیں کرنا چاہتے۔

• محدود فوجی کارروائی: اگر ایران نے آبنائے ہرمز میں مداخلت کی، تو امریکہ محدود پیمانے پر فضائی یا بحری حملے کر سکتا ہے۔ اور Middle East کی صورتحال ایک مرتبہ پھر سنگین رخ اختیار کر سکتی ہے.

اپنی 10 سالہ ٹریڈنگ جرنی کے دوران، میں نے دیکھا ہے کہ جب بھی Middle East میں "وار ڈرمز” (War Drums) بجتے ہیں. خام تیل (WTI/Brent) کی قیمتوں میں ‘رسک پریمیم’ شامل ہو جاتا ہے۔ 2019 میں جب آرامکو پر حملہ ہوا تھا، تو مارکیٹ نے چند گھنٹوں میں 15 فیصد کا جمپ لیا تھا۔

موجودہ اسلام آباد مذاکرات کی ناکامی بھی اسی طرح کے ‘وولٹیلیٹی اسپائک’ (Volatility Spike) کا باعث بن سکتی ہے. لہذا ٹریڈرز کو اسٹاپ لاس (Stop Loss) کے بغیر پوزیشن نہیں لینی چاہیے۔

عالمی معیشت اور ٹریڈنگ مارکیٹ پر اثرات

مذاکرات کی ناکامی کا اثر صرف سیاست تک محدود نہیں رہتا۔ فنانشل مارکیٹس پر اس کے اثرات درج ذیل ہو سکتے ہیں:

تیل کی قیمتوں میں اضافہ (Crude Oil Volatility)

ایران دنیا کے اہم تیل پیدا کرنے والے ممالک میں شامل ہے۔ اگر کشیدگی بڑھتی ہے اور آبنائے ہرمز، جہاں سے دنیا کا 20 فیصد تیل گزرتا ہے. بند ہوتا ہے تو تیل کی قیمتیں 100 ڈالر فی بیرل سے اوپر جا سکتی ہیں۔

افراط زر اور کنزیومر پرائس انڈیکس (CPI)

امریکہ میں پہلے ہی افراط زر کی شرح بلند ہے (CPI Data)۔ اگر جنگ کا خدشہ بڑھتا ہے تو توانائی کی قیمتیں بڑھیں گی، جس سے عالمی سطح پر مہنگائی کا ایک نیا طوفان آ سکتا ہے۔ نومبر میں ہونے والے امریکی وسط مدتی انتخابات (Mid-term Elections) کی وجہ سے صدر ٹرمپ کے لیے ایک نئی جنگ شروع کرنا سیاسی خودکشی کے مترادف بھی ہو سکتا.

پاکستان کا کردار: ایک اہم ثالث کے طور پر

اسلام آباد نے ان مذاکرات کی میزبانی کر کے ثابت کیا ہے کہ وہ خطے میں امن کے لیے ایک اہم کھلاڑی ہے۔ پاکستان کے ایران اور امریکہ، دونوں کے ساتھ تعلقات اسے ایک منفرد پوزیشن (Unique Positioning) فراہم کرتے ہیں۔ اگرچہ مذاکرات ناکام ہوئے، لیکن پاکستان کا "نیوٹرل گراؤنڈ” فراہم کرنا سفارتی محاذ پر ایک بڑی کامیابی ہے۔

کیا سفارت کاری کے دروازے بند ہو گئے ہیں؟

برطانیہ کے سابق سفیر نکولس ہوپٹن اور ایرانی وفد کے سربراہ محمد باقر قالیباف کے بیانات سے ظاہر ہوتا ہے. کہ بات چیت کا امکان ابھی ختم نہیں ہوا۔ 2015 کے ایٹمی معاہدے (JCPOA) سے کہیں زیادہ پیچیدہ نیا معاہدہ اب بھی میز پر آ سکتا ہے. بشرطیکہ دونوں فریق لچک دکھائیں۔

حرف آخر. 

امریکہ اور ایران کے درمیان اسلام آباد مذاکرات کی ناکامی اس بات کی علامت ہے کہ دونوں ممالک کے درمیان اعتماد کا فقدان اب بھی عروج پر ہے۔ جہاں امریکہ فوجی اور معاشی برتری کے ذریعے تہران کو جھکانا چاہتا ہے. وہیں ایران اپنی تزویراتی (Strategic) پوزیشن اور مزاحمت پر بھروسہ کر رہا ہے۔

بطور سرمایہ کار یا تجزیہ کار، ہمیں آنے والے ہفتوں میں ‘Middle East‘ کی صورتحال اور White House سے آنے والے بیانات پر گہری نظر رکھنی ہوگی۔ مارکیٹ میں بے یقینی (Uncertainty) زیادہ ہے، اور ایسی صورتحال میں جذباتی فیصلوں کے بجائے ڈیٹا پر مبنی ٹریڈنگ (Data-driven Trading) ہی بچاؤ کا واحد راستہ ہے۔

آپ کا کیا خیال ہے؟ کیا صدر ٹرمپ ایران پر دوبارہ فوجی حملے کا خطرہ مول لیں گے یا پسِ پردہ کوئی نیا معاہدہ طے پا جائے گا؟ اپنی رائے نیچے کمنٹ سیکشن میں ضرور شیئر کریں۔