پاکستان اسٹاک ایکسچینج (PSX) میں کاروباری دن کا اختتام انتہائی تیزی کے رجحان کے ساتھ ہوا ہے۔پاکستانی روپے کی قدر کی مسلسل بحالی اور عالمی اسٹاکس ( Global Stocks ) میں تیزی کی وجہ سے پاکستانی اسٹاک ایکسچینج کے لئے رواں ہفتہ انتہائی حاصلات ( Gains ) کے ساتھ انڈیکس میں 1200 پوائنٹس کا اضافہ کر چکا ہے۔ آج KSE100 انڈیکس 549 پوائنٹس کی تیزی کے ساتھ 42 ہزار کی انتہائی اہم نفسیاتی حد ( Resistance ) کو عبور کرتے ہوئے 42160 پر بند ہوا ہے۔ جبکہ KSE30 بھی 290 پوائنٹس اوپر 15894 پر اختتام پزیر ہوا ہے۔ آج حصص بازار (Share Market ) میں 44 کروڑ 22 لاکھ حصص کا لین دین ہوا ہے۔ جن کی مجموعی مالیت 13 ارب 70 کروڑ روپے سے زائد رہی ہے۔