پاکستان اسٹاک ایکسچینج (PSX) میں ہفتے کے آخری کاروباری دن کا آغاز ملے جلے رجحان کے ساتھ ہوا ہے۔ ملک کے سیاسی اور معاشی عدم استحکام کے اثرات معاشی اعشاریوں پر مرتب ہو رہے ہیں۔ IMF کی طرف سے نئی شرائط عائد کئے جانے کے بعد سرمایہ کار محتاط نظر آ رہے ہیں۔

آج KSE100 انڈیکس 51 پوائنٹس کی کمی کے ساتھ 41128 کی سطح پر آ گیا ہے۔ پہلے ایک گھنٹے کے دوران انڈیکس میں محض 42 لاکھ شیئرز کا کاروبار ہوا ہے۔ دوسری طرف KSE30 انڈیکس 5 پوائنٹس کی معمولی تیزی کے ساتھ 15220 پر آگے بڑھ رہا ہے۔ جبکہ اس میں 33 لاکھ شیئرز کا لین دین ہوا ہے۔