کرپٹو ایکسچینج FTX کا بحران مالیاتی تاریخ کا سب سے بڑا اسکینڈل بنتا جا رہا ہے۔ آج دوپہر تک 60 ملیئن ڈالر کے چوری کردہ اثاثے اب بڑھ کر 600 ملیئن سے تجاوز کر گئے ہیں۔ اور ابھی بھی مشکوک ٹرانزیکشنز کا ریکارڈ جمع کیا جا رہا ہے۔ جبکہ دنیا کی بڑی تحقیقاتی ایجنسیز کی طرف سے اس اسکینڈل کی تحقیقات شروع کر دی ہیں۔ صورتحال کی وضاحت کے لئے FTX انتظامیہ نے ٹیلی گرام کے ذریعے اپنے صارفین کو آگاہ کیا ہے کہ وہ نہ تو FTX کی ویب سائٹ استعمال کریں اور نہ ہی کوئی بھی کرپٹو ایپ۔ کیونکہ کرپٹو کی تمام APPS ہی Malware میں تبدیل ہو چکی ہیں۔ اس لئے سرمایہ کار انہیں فوری طور پر Delete کر دیں۔

جبکہ اس واقعے کے کئی گھنٹوں کے بعد ایکسچینج کی طرف سے رائنے ملر نے ٹویٹ کے ذریعے بتایا کہ FTX US اور FTX دونوں ہی امریکی عدالت میں دیوالیہ قرار دیئے جانے کی اپیل کے بعد Hack کر لئے گئے ہیں۔ جس کے باعث ایکسچینج کے باقی ماندہ اثاثوں کو کولڈ اسٹورہج میں منتقل کیا جا رہا ہے تا کہ کرپٹو سرمایہ کاروں کے اثاثوں کی حفاظت کو یقینی بنایا جا سکے۔ معاشی ماہرین نے اس خدشے کا اظہار کیا ہے کہ بائنانس۔ایف ٹی ایکس ڈیل سے شروع ہونیوالا بحران آنیوالے دنوں میں دنیا کی مالیاتی تاریخ کا سب سے بڑا اسکینڈل بن سکتا ہے۔