آج کرپٹو مارکیٹ میں تیزی دیکھی جا رہی ہے۔ تشویشناک امریکی معاشی رپورٹس کے بعد اس کاروباری ہفتے کے آغاز سے امریکی ڈالر دفاعی پوزیشن اختیار کئے ہوئے ہے جس کے بعد کماڈٹیز اور کرپٹو مارکیٹ میں تیزی دیکھی جا رہی ہے۔ اسوقت بٹ کوائن 24 ہزار ڈالرز فی کوائن کی نفسیاتی حد عبور کرنے کے بالکل قریب پہنچ گیا ہے جبکہ ایتھیریم 1800 ڈالرز فی کوائن کے قریب پہنچ چکا ہے۔ پچھلے ہفتے سے کرپٹو مارکیٹ میں تیزی کا مومینٹم  ابھی تک برقرار ہے پولکا ڈاٹ سے لے کر لائٹ کوائن تک تمام کرپٹو اور ڈیجیٹل کرنسیز میں تیزی ریکارڈ کی گئی ہے۔ معاشی ماہرین کے مطابق 24 ہزار کی سطح اگر بٹ کوائن برقرار رکھنے میں کامیاب ہو گیا تو اس کا اگلا ہدف 30 ہرزار ڈالرز کی مستحکم سطح ہو گا۔