آج جاپانی ین کے مقابلے میں امریکی ڈالر (USD/JPY ) دفاعی انداز اختیار کئے ہوئے ہے۔ جاپانی مرکزی بینک (Bank of Japan ) کی طرف سے گذشتہ دنوں ہونیوالی اوہن مارکیٹ مداخلت (Open Market Interference ) کے نتیجے میں ابھی تک جاپانی ین کی قدر مستحکم نظر آ رہی ہے ۔ آج ین کے مقابلے میں امریکی ڈالر موجودہ سیشن میں 0.021 فیصد گراوٹ کے ساتھ 146.23کی سطح پر ٹریڈ کر رہا ہے۔ جبکہ جاپانی ین کے مقابلے میں یورو (EUR/JPY ) 0.27 فیصد اوپر 146 پر مثبت مومینٹم کے ساتھ آگے بڑھ رہا ہے۔ جبکہ ین کے مقابلے میں آسٹریلین ڈالر کا مقابلہ (AUD/JPY) خاصا اتار چڑھاؤ کا شکار ہے۔ اسوقت آسٹریلین ڈالر 0.27 فیصد قدر حاصل کر کے 94.58 پر مثبت سمت میں آگے بڑھ رہا ہے۔

آسٹریلین ڈالر (AUD ) آج مجموعی طور پر مستحکم نظر آ رہا ہے۔ امریکی ڈالر کے مقابلے میں Aussies ڈالر (AUD/USD ) ایشیاء پیسیفک سیشن میں مجموعی طور پر 0.23 فیصد مستحکم ہو کر 0.647 پر موجود ہے۔ جبکہ نیوزی لینڈ ڈالر کے مقابلے میں آسٹریلین ڈالر (AUD/NZD ) مجموعی طور پر 0.307 فیصد نیچے 1.1030 پر ٹریڈ کر رہا ہے۔ اگر کینیڈین ڈالر کے مقابلے میں آسٹریلین ڈالر کا جائزہ لیں تو آسٹریلین کرنسی یہاں بھی مستحکم نظر آ رہی ہے اور 0.07 فیصد قدر حاصل کر کے 0.8760 پر آگے بڑھ رہا ہے۔ آخر میں بات کریں گے امریکی ڈالر کے مقابلے میں نیوزی لینڈ ڈالر (NZD/USD ) کا تو کیویز ڈالر اپنے امریکی ہم منصب کے مقابلے میں 0.58 فیصد مستحکم کو کر 0.5860 پر مثبت مومینٹم کے ساتھ آگے بڑھ رہا ہے۔