سوئس ادارہ برائے شماریات نے جولائی کی ٹریڈ بیلینس رپورٹ جاری کر دی ہے۔ جاری کئے گئے اعداد و شمار کے مطابق جولائی میں ملک کا تجارتی منافع 22 کروڑ سوئس فرانک کی کمی کے بعد 3.68 ارب سوئس فرانک رہ گیا ہے جبکہ اس سے قبل جاری کیا گیا تخمینہ 3.80 ارب سوئس فرانک کا تھا۔ اس طرح ٹریڈ سرپلس میں کمی واقع ہوئی ہے۔ رپورٹ کے مطابق ملک کی برآمدات میں 8.4 فیصد کمی واقع ہوئی ہے۔ جبکہ جولائی کے دوران درآمدات میں 9.4 فیصد کمی دیکھنے میں آئی۔ ٹریڈ سرپلس میں کمی کی بڑی وجہ تیل اور گیس کا بحران ہے جسے دور کرنے کے لئے افریقی ممالک سے ایل۔این۔جی کی درآمد کی جا رہی ہے جسکی درآمدی لاگت روسی گیس کی نسبت کہیں زیادہ ہے۔