واشنگٹن(نیوز)۔ رواں سال 4.69 فیصد افراط زر کے باوجود امریکی ڈالر دنیا بھر کی کرنسیز کے مقابلے میں مجموعی طور پر 13 فیصد قدر حاصل کر کے پچھلے 20 سال کی بلند ترین سطح پر پہنچ گیا ہے۔ نئے عالمی معاشی بحران کے باوجود امریکی ڈالر مسلسل اپنی قدر میں استحکام حاصل کر رہا ہے جس کے ساتھ پیریٹی ریٹ برقرار رکھنا یورو، ین اور یوان سمیت ہر کرنسی کے لئے مشکل سے مشکل تر ہو رہا ہے۔ امریکی فیڈرل ریزرو کی رپورٹ میں ڈالر کو پچھلے 20 سال میں کسی ایک معاشی سال کی اب تک کی مستحکم ترین کرنسی قرار دیا گیا ہے۔