امریکی ڈالر کے مقابلے میں جاپانی ین کی قدر 24 سال کم ترین سطح پر آنے کے بعد بینک آف جاپان ( Bank Of Japan ) نے 142 کے ہندسے پر اوپن مارکیٹ مداخلت کا اعلان کیا ہے۔ واضح رہے کہ اس سے قبل بینک نے عدم مداخلت کی پالیسی اپنائی ہوئی تھی تاہم امریکی ڈالر کے مقابلے میں ین کے 140 کی سطح تک گرنے کے بعد جاپانی مرکزی بینک پر شدید تنقید کی گئی ہے جاپانی حکومت نے بھی مرکزی بینک پر بروقت اقدامات نہ کرنے کا الزام عائد کیا ہے۔ جس کے بعد جاپانی مرکزی بینک نے اوپن مارکیٹ میں براہ راست ین بانڈز کی فروخت کے ذریعے قدر کو مستحکم کرنے کا فیصلہ کیا ہے۔