واشنگٹن( نیوز رپورٹ) امریکی صدر جو بائیڈن نے اپنے ایک انٹرویو کے دوران سعودی قیادت سے ہونیوالی گفتگو کو تعمیری قرار دیا ہے۔ انہوں نے دورے کا زکر کرتے ہوئے کہا کہ سعودی عرب کی طرف سے اسرائیل کیلئے اپنی فضائی حدود کھولنا ایک تاریخی لمحہ تھا۔ شہزادہ محمد بن سلمان اور دیگر حکام سے تیل کی پیداوار بڑھانے سمیت اہم عالمی، علاقائی اور معاشی امور پر مفید بات چیت ہوئی ہے ۔جس کے مثبت نتائج جلد دنیا کے سامنے آئیں گے اور سعودی عرب عالمی معاشی بحران کے خاتمے کے لئے تعمیری کردار ادا کرے گا۔