عالمی مارکیٹس (Global Markets ) میں Commodities اور خام تیل ( Crude Oil ) کی قیمتوں میں نمایاں کمی ریکارڈ کی گئی ہے۔ سونا جسے حقیقی زر بھی کہا جاتا ہے کی قیمت 23 ڈالرز کمی کے بعد 1647 ڈالرز فی اونس کی سطح پر آ گئی ہے۔ جبکہ آج ایک موقع پر سونا 1645 کی نفسیاتی سپورٹ سے بھی نیچے آ گیا تھا۔ کماڈٹیز میں سب سے زیادہ کمی قیمتی دھات پلاڈیم (Palladium ) میں ریکارڈ کی گئی ہے جو کہ 78 ڈالرز کمی کے بعد 2045 ڈالرز فی اونس کے لیول پر آ گیا ہے۔ پلاٹینیم ( Platinum ) کی قدر میں 36 ڈالرز کی کمی واقع ہوئی ہے۔ جس کے بعد یہ قیمتی دھات 9 سو ڈالر کی نفسیاتی سپورٹ کو توڑ کر 868 ڈالر میں فروخت ہو رہی ہے۔ دوسری طرف خام تیل (Crude oil ) کی قدر میں بھی واضح کمی دیکھنے میں آئی ہے۔ اسوقت برینٹ آئل ( Brent Oil ) 9 ڈالرز کمی کے بعد 84 ڈالرز فی بیرل جبکہ WTI Oil 5 ڈالرز سے زائد کی گراوٹ سے 78 ڈالرز فی بیرل میں ٹریڈ ہو رہا ہے۔ دیگر کماڈٹیز اور ذرائع توانائی کی قیمتوں میں بھی کمی ریکارڈ کی گئی ہے۔