امریکی لیبر ڈیٹا (U.S Non Farm Payroll ) کے اجراء کے بعد ڈالر انڈیکس کے اوپر جانے سے خام تیل (Crude Oil ) کی قیمتوں میں نمایاں اضافہ ریکارڈ کیا گیا ہے۔ ڈبلیو۔ٹی۔آئی (W.T.I) 4 ڈالر سے زائد اضافے کے ساتھ 93 ڈالرز فی بیرل سے تجاوز کر گیا ہے۔ جبکہ برینٹ آئل (Brent Oil ) 98 ڈالر فی بیرل میں فروخت ہوتا ریکارڈ کیا گیا۔ امریکی صدر جو بائیڈن کی طرف سے جاری کئے گئے بیان کے مطابق خلیجی ممالک اور اوپیک ( Opec ) روس کے ساتھ مل کر عالمی مارکیٹ کو غیر مستحکم کر رہے ہیں ۔ یہاں یہ بھی بتاتے چلیں کہ دو روز قبل سعودی عرب کی زیر قیادت تیل پیدا کرنیوالے خلیجی ممالک اور روس ( Opec Plus ) کی طرف سے خام تیل کی یومیہ پیداوار میں 2 لاکھ بیرل تیل کی کمی کا فیصلہ کیا گیا ہے جس پر امریکی حکومت نے شدید تحفظات کا اظہار کیا یے۔