کراچی( اسٹاک سمری)۔ پاکستان اسٹاک ایکسچینج میں کاروباری دن کا اختتام زبردست تیزی کے رجحان پر ہوا ہے۔ آئی۔ایم۔ایف کی طرف سے پاکستانی معیشت کے بارے میں وضاحت، پاکستان کے دوست ممالک کو گارنٹی اور تجارتی خسارے میں کمی کے علاوہ ڈالر کی قدر میں کمی یہ وہ عوامل ہیں جن کی وجہ سے پاکستان کے فائنانشل انڈیکیٹرز میں بہتری آ رہی ہے۔ آج کے۔ایس۔ای ہنڈرڈ انڈیکس 877 پوائنٹس کے اضافے کے ساتھ 41 ہزار کی نفسیاتی حد عبور کر کے 41068 کی سطح پر بند ہوا۔ شیئر بازار میں اچھے والیوم کے ساتھ 33 کروڑ سے زائد سودے طے پائے۔ آج کا والیوم لیڈر 3 کروڑ 24 لاکھ شیئرز کے ساتھ ورلڈ ٹیلی کام لیمیٹڈ رہا جبکہ 2 کروڑ 91 لاکھ شیئرز کے ساتھ ٹی۔پی۔ایل پراپرٹیز دوسرے اور 2 کروڑ 28 لاکھ شیئرز کے ساتھ یونٹی فوڈز تیسرے نمبر پر رہا۔