کراچی( اسٹاک مارکیٹ سمری)۔ دن بھر ملے جلے رجحان کے بعد کاروباری دن کے اختتام پر پاکستان اسٹاک ایکسچینج تیزی کے رجحان پر بند ہوئی۔ کے۔ایس۔ای ہنڈرڈ انڈیکس 291 پوائنٹس کے اضافے کے ساتھ 41730 کی سطح پر بند ہوا تاہم آج کاروبار کے دوران والیوم میں خاصی کمی دیکھی گئی۔ آج مارکیٹ میں مجموعی طور پر 16 کروڑ 21 لاکھ شیئرز کے سودے طے پائے۔ جن کی مجموعی مالیت 4 ارب 78 کروڑ روپے رہی۔ آج کا والیوم لیڈر 2 کروڑ 15 لاکھ شیئرز کے ساتھ ورلڈ ٹیلی کام لیمیٹڈ رہا جبکہ ایک کروڑ 15 لاکھ شیئرز کے ساتھ آئل بوائے انرجی کے رائٹ شیئرز دوسرے اور ایک کروڑ 2 لاکھ شیئرز کے ساتھ میپل لیف سیمنٹ تیسرے نمبر پر رہا۔