کراچی( اسٹاک مارکیٹ سمری)۔۔ سیاسی بے یقینی اور معاشی عدم استحکام کی وجہ سے آج اسٹاک مارکیٹ میں شدید مندی ریکارڈ کی گئی ۔ کے ایس ای ہنڈرڈ انڈیکس ایک سال کے بعد 489 پوائنٹس کی کمی سے 42 ہزار کی سطح سے نیچے 41950 کی سطح پر آ گیا۔ اسطرح مارکیٹ کیپٹلائزیشن 56 ارب روپے کی کمی سے 6 ہزار 9 سو 99 ارب روپے رہ گئی ۔یہاں یہ بتاتے چلیں کہ رواں مالی سال میں پاکستان اسٹاک مارکیٹ کی کیپٹلائزیشن 6 سو 94 ارب روپے کم ہوئی ہے۔ آج مجموعی طور پر مارکیٹ میں 16 کروڑ 97 لاکھ شیئرز کے سودے 5 ارب 46 کروڑ روپے میں طے ہوئے۔ آج کا والیوم لیڈر ا کروڑ 57 لاکھ شیئرز کے ساتھ پاکستان ریفائری لمیٹڈ رہا۔ جبکہ ایک کروڑ 46 لاکھ شیئرز کے ساتھ سلک بینک دوسرے نمبر پر رہا۔