ٹورنٹو( نیوز رپورٹ)۔ کینیڈا کے مرکزی بینک نے افراط زر اور کینیڈین ڈالر کی گرتی ہوئی قدر کو مستحکم کرنے کے لئے شرح سود میں میں 100 بنیادی پوائنٹس یعنی ایک فیصد اضافہ کر دیا ہے۔ اسطرح کینیڈا میں شرح سود 1.50 سے بڑھ کر 2.50 ہو گئی ہے۔ معاشی ماہرین 75 بنیادی پوائنٹس اضافے کی توقع کر رہے تھے۔ اس طرح یہ اضافہ توقعات سے بڑھ کر ہے۔ بینک کی طرف سے جاری کردہ اعلان میں کہا گیا ہے کہ بینک معاشی صورتحال کی پیچیدگی کا جائزہ لے رہا ہے اور ضرورت پڑنے پر شرح سود میں مزید اضافہ کیا جا سکتا ہے۔