یورو زون کی اکتوبر 2022ء کی Retail Sales Report جاری کر دی گئی ہے۔ یورپی ادارہ شماریات (Euro Stat) کی طرف سے جاری کردہ اعداد و شمار کے مطابق اکتوبر 2022ء کے دوران ریٹیل سیلز میں 1.8 فیصد کی کمی واقع ہوئی ہے جبکہ اس سے قبل 1.7 فیصد کی پیشگوئی کی جا رہی تھی۔ اگر اس رپورٹ کا تقابلہ ستمبر 2022ء کے ساتھ کیا جائے تو گذشتہ رپورٹ میں ریٹیل سیلز میں 0.4 فیصد کا اضافہ ہوا تھا۔

سالانہ ریٹیل سیلز کے اعداد و شمار کا جائزہ لیں تو گذشتہ 12 ماہ کے دوران اشیائے ضروریہ کی فروخت میں 2.7 فیصد کمی واقع ہوئی ہے ۔ یہاں یہ بھی بتاتے چلیں کی سالانہ ریٹیل سیلز میں 2.6 فیصد کمی کی پیشگوئی کی جا رہی تھی۔ یہ رپورٹ توقعات سے زیادہ منفی اور مایوس کن اعداد و شمار پر مشتمل ہے اور اسکے منفی اثرات یورو (EUR) اور دیگر یورپی معاشی اعشاریوں (European Financial Indicators) پر مرتب ہونے کی توقع ہے۔