میپل لیف سیمنٹ میں تیزی کا مومینٹم آج بھی جاری ہے۔ جس کی بنیادی وجہ ملک میں سیمنٹ کی قیمتوں اور طلب میں اضافہ ہے۔ جبکہ ایشیائی ترقیاتی بینک کی طرف سے فنڈز کے اجراء سے سیلاب زدگان کیلئے تعمیر نو کا عمل شروع ہونے سے بھی اس سیکٹر پر مثبت اثرات مرتب ہوئے۔ جس سے مجموعی طور پر اس سیکٹر میں تیزی کا رجحان ریکارڈ کیا جا رہا ہے۔

میپل لیف سیمنٹ فیکٹری (MLCF) پاکستان اسٹاک ایکسچینج کے متحرک اسٹاکس میں شامل ہے۔ اسے انٹرا۔ڈے کے لئے انتہائی موزوں خیال کیا جاتا ہے لیکن موجودہ سطح پر اسکی Holding اگلے دو سے تین ماہ کے دوران 100 فیصد منافع دے سکتی ہے۔ آج آغاز میں ہی میپل لیف 80 لاکھ سے زائد شیئرز کا والیوم حاصل کر چکا یے۔

گذشتہ ایک سال کے دوران اسکی کم ترین سطح 20 روپے 4 پیسے اور بلند ترین 39 روپے 2 پیسے رہی ہے۔ میپل لیف سیمنٹ فیکٹری کا قیام 13 اپریل 1960ء میں کمپنیز ایکٹ 1913ء کے تحت عمل میں لایا گیا (جسے بعد میں کمپنیز آرڈیننس 1984ء سے تبدیل کر دیا گیا تھا) میپل لیف دراصل کوہ نور ٹیکسٹائل ملز کی ذیلی کمپنی ہے ۔ یہ گروپ ٹیکسٹائل کمپوزیٹ اور ٹیکسٹائل اسپننگ سیکٹر کے علاوہ سیمنٹ، پاور جنریشن، کیپیٹل انویسٹمنٹ اور ٹیکسٹائل ویونگ سیکٹرز میں ایک نمایاں مقام رکھتا ہے جس سے ظاہر ہوتا ہے کہ گذشتہ 62 سالوں کے دوران گروپ اپنے صنعتی پیداواری بزنس کو کئی سمتوں میں Diversify کر چکا ہے۔

میپل لیف کا بنیادی سرمایہ اسکے قیام کے وقت 2 کروڑ 33 لاکھ روپے رکھا گیا تھا۔ تاہم پاکستان اسٹاک ایکسچینج میں اسکا ادا شدہ سرمایہ 1 ارب شیئرز سے بھی بڑھ چکا ہے جو کہ پرائیویٹ سیکٹر میں بہت کم کمپنیوں کا پروفائل ہے۔ اس کے آزادانہ ٹریڈنگ کے لئے دستیاب شیئرز کی تعداد 48 کروڑ 30 لاکھ سے زائد ہے۔ جو کہ اسکے مجموعی حجم کا 45 فیصد بنتا ہے۔ اسکا طویل المدتی ہدف 75 روپے فی شیئر کی سطح کا حصول ہے۔

ٹیکنیکی تجزیہ۔

آج میپل لیف سیمنٹ فیکٹری (MLCF) کے اسٹاکس میں کاروباری سرگرمیوں کا آغاز 24.70 کی سطح سے ہوا۔ یہی اسکی کم ترین سطح ہے۔ آغاز سے ہی Bullish Rally کی صورت میں اپنی آج کی بلند ترین سطح 25.60 تک پہنچ گئی۔ اس طرح یہ اپنی 7 اور 21 روزہ Moving Average سے اوپر آ گئی ہے۔ جبکہ 50DMA سے نیچے ٹریڈ کر رہی ہے۔ MLCF کی 7DMA 23.70 ہے جو کہ موجودہ سطح (25۔40) پر اسکی تیسری سپورٹ (S2) سے نیچے اور اسکا محور (Pivot) بھی ہے۔

اسکا ریلیٹو اسٹرینتھ انڈیکس (RSI) 50 سے اوپر آ گیا ہے جو کہ Bullish Sentiment کے آغاز کی علامت ہے۔ آج کی ٹریڈنگ کی حدود کا جائزہ لیں تو 22.68 اسکا Lower Lock اور 26.36 اسکا Upper Cap ہے۔ موجودہ سطح پر مزاحمتی حدیں (Resistance Levels) 25.80 کے بعد 26 کی نفسیاتی حد (Psychological Resistance) ہے۔ جس کے بعد 26.30 دوسری مزاحمتی سطح ہے۔ اور اس سے اوپر 26.80 تیسری مزاحمتی حد ہے۔ اب تک اس میں 80 لاکھ 75 ہزار شیئرز کا لین دین ہو چکا ہے۔ موجودہ سطح سے نیچے اسکے سپورٹ لیولز 25.20, 24.70 اور 24.30 ہیں۔ تیسرے سپورٹ لیول کے Break ہونے سے یہ Bearish ایریا میں رواں ہفتے کی کم ترین سطح کے قریب آ جائے گا۔

اسکے ٹیکنیکی انڈیکیٹرز اسے 50 فیصد Bullish اور 45 فیصد Bearish جبکہ 5 فیصد Sideways ظاہر کر رہے ہیں۔ اس طرح اسکا مجموعی جھکاؤ اور ارتکاز (Bias) بھی Bullish ہے۔ اگر اسکے طویل المدتی مومینٹم کا جائزہ لیں تو موجودہ سطح سے 50 فیصد اوہر 50 کی سطح 2021ء میں اسکی اوسط رہی ہے جسکی 82 فیصد ریٹریسمنٹ MLCF نے 2022ء میں بھی حاصل کی۔ جبکہ رواں سال یہ اسکی 61.8 فیصد پر ہے۔

26.00 کے نفسیاتی مارک کو عبور کرنے پر اسے طویل المدتی اہداف اور کھوئی ہوئی قدر بحال کرنے کے لئے درکار اسٹرینتھ مل جائے گی۔ جس سے آنیوالے دنوں کے دوران MLCF ہمیں 30 سے 35 کے درمیان ٹریڈ کرتا ہوا دکھائی دے سکتا ہے۔ اسکے ٹیکنیکی انڈیکیٹرز موجودہ سطح کو خریداری کے لئے موزوں ترین لیول ظاہر کر رہے ہیں۔