فروری 2023ء کی US CPI Report آج جاری کی جائے گی۔ امریکی Bureau of Statistics آج عالمی معیاری وقت کے مطابق 13.30 بجے (پاکستانی وقت کے مطابق 18.30 بجے یہ اہم ترین امریکی معاشی رپورٹ جاری کرے گا۔ تخمینے کے مطابق فروری 2023ء میں افراط زر (Inflation) کی شرح 6.0 فیصد آنے کی پیشگوئی کی گئی ہے۔

گذشتہ ماہ ریلیز کی جانیوالی جنوری 2022ء کی رپورٹ میں یہ شرح 5.5 فیصد رہی تھی۔ اس طرح آج کے ڈیٹا میں افراط زر میں گذشتہ ماہ کی نسبت اضافے کا امکان ظاہر کیا جا رہا ہے جس سے امریکی فیڈرل ریزرو (Fed) کو آئندہ ماہ شرح سود (Interest rate) بڑھانے کا جواز مل سکتا ہے۔ تاہم 6.0 فیصد سالانہ افراط زر کی شرح اتنی کم نہیں کہ پالیسی ریٹس میں اضافے کا پروگرام ختم یا معطل کر دیا جائے۔

کنزیومر پرائس انڈیکس (CPI) کسے کہتے ہیں اور اس سے کیا نتائج اخذ کئے جاتے ہیں۔؟

کنزیومر پرائس انڈیکس اہم ترین معاشی رپورٹ تصور کی جاتی ہے جس سے صارفین کے لئے اشیاء اور خدمات کی ادا شدہ قیمتوں کی پیمائش کی جاتی ہے۔ یعنی سادہ الفاظ میں کنزیومر پرائس انڈیکس عوامی سطح پر مہنگائی اور افراط زر کی شرح کو ظاہر کرتا ہے جس کی بنیاد پر مانیٹری پالیسی میں تبدیلیوں کے فیصلے کئے جاتے ہیں۔

امریکی CPI کے متوقع اثرات۔

توقعات کے مطابق رپورٹ کا مطلب یہ ہو گا کہ جنوری 2022ء کی نسبت فروری میں افراط زر زیادہ رہی ہے جس کے نتیجے میں اسٹاکس اور کماڈٹیز بالخصوص Gold کی طلب (Demand) میں اضافہ ہو سکتا ہے کیونکہ سرمایہ کاروں کیلئے کساد بازاری (Recession) کا رسک فیکٹر کم ہو جائے گا اور توقعات کے مطابق یا اس سے کم CPI نہ صرف اسٹاکس کی قدر میں اضافے کا باعث بنتی ہے بلکہ اس سے گولڈ اور پلاٹینیئم سمیت دھاتوں کی طلب و قدر میں اضافہ ہوتا ہے، لیکن اسکے حقیقی اثرات کا تعین رپورٹ کے اجراء سے چار گھنٹوں کے بعد کیا جا سکتا ہے۔ فوری بعد آنے والا ردعمل بعض اوقات غیر متوقع ہوتا ہے۔

دوسری طرف امریکی ڈالر (USD) پر اسکے اثرات عمومی طور پر اسٹاکس اور کماڈٹیز کے برعکس ہوتے ہیں۔ کم افراط زر اور مہنگائی واضح اشارہ دیتی ہے کہ فیڈرل ریزرو مانیٹری پالیسی کو نرم اور شرح سود میں کم اضافہ کرنے جا رہا ہے جس سے امریکی ڈالر اور اس سے منسلک امریکی محکمہ خزانہ کے بانڈز ( خاص طور پر 3 اور 10 سالہ مدت) کی طلب و قدر اور Gains میں کمی واقع ہوتی ہے اور یورو (EUR), برطانوی پاؤنڈ (GBP) سمیت دیگر عالمی کرنسیز کی قدر میں اضافہ ہوتا ہے۔ تاہم آج کی رپورٹ ریلیز ہونے سے پہلے ہی انریکی ڈالر سیلیکون ویلی بینک اسکینڈل پر دباؤ میں ہے۔ جبکہ اس کے بعد SVB کے اثرات برقرار رہیں گے۔

عام طور پر کرپٹو کرنسیز پر بھی اسکے اثرات امریکی ڈالر کے برعکس ہوتے ہیں کیونکہ امریکی ڈالر کی طلب میں کمی کے واضح معنی اسکے مدمقابل اور مخالف سمت میں ٹریڈ کرنیوالی کرنسیز، اسٹاکس اور کماڈٹیز کی قدر میں اضافہ پے ۔ لیکن اسوقت کرپٹو کرنسیز منظر عام پر آنیوالے سلیکون ویلی اسکینڈل کے بعد قدرے دفاعی انداز اختیار کئے ہوئے ہے بلکہ یہ کہنا بے جا نہ ہو گا کہ اسوقت کرپٹو مارکیٹ نئے ریگولیشنز کے ساتھ مطابقت پیدا کرنے اور اپنی بقاء کی جنگ لڑ رہی ہے۔ اس لئے مارکیٹ پر توقعات کے مطابق یا اس سے کم CPI رپورٹ سے دباؤ میں تو کمی واقع ہو گی تاہم کسی بہت بڑی تبدیلی کے امکانات نہیں ہیں۔

عالمی مارکیٹس (Global Markets) میں آج امریکی کنزیومر پرائس انڈیکس کے اجراء کے پیش نظر سست روی کا رجحان جاری رہنے کا امکان ہے۔۔ لیکن آج رپورٹ پبلش ہونے کے بعد متوقع طور پر مارکیٹس واضح سمت اختیار کر لیں گی امریکی ڈالر انڈیکس (DXY) کے اگلے ایک ماہ کے مومینٹم کا بھی تعین ہو جائے جس سے ہم کل ( 15 مارچ 2023ء) تمام مارکیٹس میں بھرپور ٹریڈنگ سیشنز دیکھیں گے۔