برطانوی پاؤنڈ میں بحالی کی لہر دیکھی جا رہی ہے۔ یورپی ٹریڈنگ سیشنز کے دوران GBPUSD اپنی گذشتہ روز کی سطح سے 0.14 فیصد اوپر 1.2461 کی سطح پر ٹریڈ کر رہا ہے۔ امریکی ڈیفالٹ رسک کی واپسی اور کم والیوم کی محتاط مارکیٹ کے باوجود GBPUSD بتدریج اپنی قدر بحال کرنے کی کوشش میں ہے۔ تاہم معاشی ماہرین سٹرلنگ پاؤنڈ کے اس سطح کے قریب سست روی کے شکار رہنے کی پیشگوئی کر رہے ہیں۔

برطانوی پاؤنڈز نئے ہفتے کے آغاز پر متوسط درجے کی Gains حاصل کرنے میں کامیاب ہوا ہے۔ امریکی قرض کی حد پر صدر جو بائیڈن اور چیئرمین سینیٹ کیون میکارتھی کے درمیان مذاکرات آج دوبارہ شروع ہوں گے۔ معاملے پر ڈیڈلاک سے مارکیٹ میں غیر یقینی صورتحال نظر آ رہی ہے۔ سرمایہ کار محتاط انداز اپنائے ہوئے ہیں۔

برطانوی پاؤنڈ پر امریکی مذاکرات کے اثرات

آج GBPUSD محدود رینج اپنائے ہوئے قدرے مثبت سمت میں ٹریڈ کر رہا ہے۔ جس کی بنیادی وجہ US Debit Ceiling پر پیدا ہونیوالا ڈیڈلاک ہے۔ وائٹ ہاؤس کے ترجمان نے کہا ہے کہ اہم ترین مسئلے پر ریپبلکنز کی طرف سے سیاسی مفادات حاصل کرنیکی کوششیں ناقابل قبول ہیں۔ امریکی صدر نے تمام مطالبات کو رد کر دیا ہے۔

امریکی قرض کی حد 15 مئی کو ختم ہو چکی ہے۔ اگر یکم جون تک کانگریس کی طرف سے بیل آؤٹ پیکیج کی منظوری نہ دی گئی تو امریکہ بطور ریاست ڈیفالٹ کر جائے گا۔ واضح رہے کہ بائیڈن انتظامیہ کو ریپبلکنز اکثریت کے حامل ایوان نمائندگان سے 870 ارب ڈالر کی امدادی رقم منظور کروانے میں شدید مشکلات کا سامنا ہے۔ صدر جو بائیڈن چیئرمین سینیٹ کیون میکارتھی اور پانچ سینیٹرز کے ساتھ دو ہفتوں سے مذاکرات کر رہے ہیں۔

امریکی قرض کی حد پر مذاکرات سے پہلے اپوزیشن اراکین کانگریس نے مثبت بیانات دیئے اور اپنے بھرپور تعاون کی یقین دہانی کروائی۔ تاہم اس میں ڈرامائی موڑ اسوقت آیا جب سنگین مقدمات کا سامنا کرنیوالے سابق امریکی صدر ڈونلڈ ٹرمپ نے اپنے انٹرویو میں ریپبلکنز پر زور دیا کہ وہ اہم موقعے کا ایڈوانٹیج حاصل کریں اور ان کے خلاف کیسز ختم کرنے سمیت اہم مطالبات کی منظوری تک Debit Ceiling کو سپورٹ نہ کریں۔

بتاتے چلیں کہ ڈونلڈ ٹرمپ آئندہ سال امریکی صدارتی انتخابات میں ریپبلکن پارٹی کے امیدوار بھی ہیں وہ 2016ء سے 2020 تک صدر رہ چکے ہیں تاہم انہیں جنسی ہراسانی کے مقدمات کا سامنا ہے اور ان پر فرد جرم بھی عائد کی جا چکی ہے۔ ڈیفالٹ کا رسک فیکٹر اسوقت عالمی مارکیٹس کو اپنی لپیٹ میں لئے ہوئے ہے اور امریکی ڈالر کے سرمایہ کار انتہائی محتاط انداز اپنائے ہوئے ہیں جس سے اسکے مقابلے میں برطانوی پاؤنڈ سمیت دیگر کرنسیز قدرے مثبت موڈ میں دکھائی دے رہی ہیں۔

GBPUSD یورپی سرمایہ کاروں کی توجہ حاصل کرنے میں کامیاب رہا ہے۔ جس سے یہ 0.14 فیصد اضافے کے ساتھ 1.2461 ڈالرز کی سطح پر ٹریڈ کر رہا ہے۔

ٹیکنیکی جائزہ

آج یورپی سیشنز کے آغاز پر کمزور امریکی ڈالر کا فائدہ حاصل کرتے ہوئے برطانوی پاؤنڈ میں ہونیوالی خریداری سے یہ 1.2460 کی اہم نفسیاتی حد (Psychological Level) سے اوپر آ گیا۔ تاہم ابھی یہ 20SMA سے نیچے ٹریڈ کر رہا ہے جبکہ Fibonacci کی بھی 61.8 فیصد ریٹریسمنٹ حاصل نہیں کر سکا۔ اس طرح Bullish Rally محدود رینج میں ہی اسٹرینتھ حاصل کرنے کی کوشش کر رہی ہے۔

1.2490 پر یہ قلیل المدتی حرکاتی اوسط کو عبور کر لے گا جس سے ممکنہ طور پر اسکا جھکاؤ اور ارتکاز (Bias) Bullish ہو جائے گا۔ کیونکہ یہاں پر 61.8 فیصد ریٹریسمنٹ اور 100DMA کا پوائنٹ بھی ہے۔ جو کہ اوپر کے لیولز پر متحرک کرنے کا باعث بن سکتے ہیں۔

اسکے سپورٹ لیولز 1.2460, 1.2430 اور 1.2395 ہیں جبکہ مزاحمتی حدیں 1.2490, 1.2520 اور 1.2550 ہیں۔ مومینٹم انڈیکیٹرز طویل المدتی بنیادوں پر اوپر کی ریلی کا امکان ظاہر کر رہے ہیں ۔ 1.2490 سے اوپر اسکا ریلیٹو اسٹرینتھ انڈیکس (RSI) بھی 61 پر آ جائے گا۔ جو کہ خریداری کی بڑی لہر شروع ہونے کی علامت ہے۔