Japanese Monetary Policy کا اعلان کر دیا گیا ہے۔ بینک آف جاپان (BOJ) نے توقعات کے مطابق شرح سود میں کوئی تبدیلی نہیں کی۔ جس کے بعد تمام اہم کرنسیز کے مقابلے میں جاپانی ین کی قدر میں شدید گراوٹ واقع ہوئی ہے۔

Japanese Monetary Policy کی تفصیلات

بینک آف بینک کی طرف سے جاری کئے جانیوالے پریس ریلیز کے مطابق Monetary Policy میں کوئی تبدیلی نہیں کی گئی اور شرح سود (Interest Rate) کو مئی کی سطح پر ہی برقرار رکھا گیا ہے۔ BOJ کے مطابق یہ فیصلہ BOJ کے پالیسی ساز اراکین نے متفقہ طور پر کیا یے۔

اگرچہ یہ اعلان مارکیٹ توقعات کے مطابق ہے تاہم بڑا سرپرائز 10 سالہ مدت کے جاپانی ین بانڈز کی Yields میں کوئی اضافہ نہ کیا جانا ہے۔ خیال رہے کہ نرم پالیسی اختیار کرنے کے باوجود جاپانی مرکزی بینک ان بانڈز کے پرکشش منافع کو متبادل مانیٹری ٹول کے طور پر استعمال کر رہا تھا۔

مارکیٹ کا ردعمل

اگرچہ یہ اعلان توقعات کے عین مطابق ہے۔ تاہم Bonds Yields کو برقرار رکھنے کا فیصلہ تمام پیشنگوئیوں کو مات دے گیا ہے۔ جس سے جاپانی ین کی طلب میں مزید کمی ریکارڈ کی جا رہی ہے۔  اس کے مقابلے میں امریکی ڈالر (USDJPY) جارحانہ انداز اختیار کرتے ہوئے 140 کی نفسیاتی سطح (Psychological Level) سے اوپر آ گیا ہے۔

جبکہ ایشیائی کرنسی کے مقابلے میں آسٹریلوی ڈالر (AUDJPY) 96.47 پر ٹریڈ کر رہا ہے۔