انقرہ( نیوز رپورٹ): امریکی ڈالر کے مقابلے میں ترکی کی کرنسی لیرا کی قدر میں زبردست گراوٹ دیکھنے میں آئی ہے۔ اسوقت ایک امریکی ڈالر 16 ٹرکش لیرا میں ٹریڈ ہو رہا ہے۔ واضح رہے کہ ٹرکش کرنسی لیرا کی یہ تاریخ میں کم ترین سطح ہے۔ ماہرین معاشیات کے مطابق ایک طرف ساری دنیا اپنی کرنسیز کو بچانے کے لئے شرح سود بڑھا رہے ہیں لیکن ترک صدر اردگان اسے مسلسل کم کر رہے ہیں۔ ترک صدر کی اسی ضد کی وجہ سے ترک سنٹرل بینک کے دو گورنرز استعفی دے چکے ہیں۔ عالمی اداروں کی رپورٹ کے مطابق ترکی میں اسوقت افراط زر کی شرح ناقابل برداشت حد تک پہنچ گئی ہے اور عام ضروریات زندگی عوام کی پہنچ سے باہر ہو گئے ہیں اور اسکی بنیادی وجہ بین الاقوامی معاشی صورتحال میں طیب اردگان کی ضدی سیاست ہے ۔ رپورٹ کے مطابق گزشتہ ماہ کے دوران 5 فیصد کے قریب بیروزگاری کی شرح میں اضافہ ہوا جبکہ اشیائے ضروریہ کی قیمتوں میں 20 فیصد اضافہ ہوا۔