واشنگٹن( نیوز رپورٹ)۔ امریکی سیکرٹری خزانہ جینیٹ ییلین نے سینیٹ میں پالیسی بیان دیتے ہوئے کہا ہے کہ امریکی معیشت یورپ اور ایشیائی ممالک کی طرح کساد بازاری کی صورتحال کا سامنا نہیں کرے گی اور توانائی کے بحران پر بہت جلد قابو پا لیا جائے گا۔ انہوں نے مزید کہا کہ کسی بھی امریکی ریاست کو غذائی اجناس کی قلت کا سامنا نہیں ہے۔ اپنے بیان میں انہوں نے یہ بھی کہا کہ امریکی لیبر مارکیٹ اور سرمایہ مضبوط بنیادوں پر قائم ہیں۔