آج سوموار 7 نومبر 2022ء ہے۔دن کی ابتداء چین کی بیلینس آف ٹریڈ رپورٹ سے عالمی وقت کے مطابق 3-00 بجے ہو گی۔ اسی وقت درآمدات ( Imports ) اور برآمدات (Exports ) کا ڈیٹا بھی جاری کیا جائے گا۔ یہ رپورٹ عالمی مارکیٹس (Global Markets ) کی کارکردگی اور عالمی معیشت پر اثر انداز ہو گی اور انتہائی اہمیت کی حامل ہے۔ جرمنی کی ستمبر 2022 ء کی صنعتی پیداواری رپورٹ (Industrial Production Report ) صبح 7-00 بجے ریلیز کی جائے گی۔ یہ رپورٹ یورو (EUR ) اور Dax30 کی کارکردگی پر اثر انداز ہو گی۔ یورپی زون (Euro Zone ) کی S&P Global کی طرف سے کنسٹریکشن رپورٹ 8-30 بجے جاری کی جائے گی۔ جزوی طور پر یہ رپورٹ یورو کی قدر پر اثر انداز ہو سکتی ہے۔

سنگاپور کی غیر ملکی زرمبادلہ (Foreign Exchange reserves ) کی رپورٹ 9-00 بجے شائع کی جائے گی یہ رپورٹ ایشیائی مارکیٹس (Asian Markets ) بالخصوص اسٹریٹ ٹائمز انڈیکس (STI ) پر اپنے اثرات مرتب کرے گی۔ امریکی قلیل المدتی سرمایہ کاری بانڈز ، جن کی میچورٹی کی مدت 6 ماہ ہے، عالمی معیاری وقت کے مطابق رات 8-40 بجے مقامی اور بین الاقوامی سرمایہ کاروں کو آن لائن نیلامی (Auction ) کے زریعے فروخت کے لئے پیش گئے جائیں گے۔

جنوبی کوریا کی کی کرنٹ اکاؤنٹ بیلینس رپورٹ عالمی معیاری وقت کے مطابق رات 11-00 بجے جاری کی جائے گی۔ جس کے اثرات کورین اسٹاک ایکسچینج (Kospi ) اور دیگر کوریائی معاشی اعشاریوں (Korean Financial Indicators ) پر اثر انداز ہو سکتی ہے۔ جاپانی کی گھریلو امدنی اور اخراجات (Household Income and Expenditure ) رپورٹس عالمی وقت کے مطابق رات 11-50 بجے جاری کی جائے گی۔ جبکہ اسی وقت جاپان کے ہی زرمبادلہ کے بیلنس (Foreign Exchange Reserves Balance ) کی رپورٹ بھی اسی وقت جاری کی جائے گی۔ جو کہ جاپانی ین (JPY ) کی قدر اور Nikkei225 میں ممکنہ طور پر اتار چڑھاؤ پیدا کر سکتے ہیں۔