آسٹریلیا کی پہلی سرکاری کنزیومر پرائس انڈیکس رپورٹ (CPI ) جاری کر دی گئی ہے۔ اس سے پہلے دیگر ممالک کی نسبت آسٹریلیا کی غیر سرکاری تنظیمیں یہ ڈیٹا جاری کرتی تھیں تاہم اگست 2022 ء سے یہ تمام اعداد و شمار قومی ادارہ برائے شماریات (National Department of Statistics) نے جاری کرنا شروع کر دیئے ہیں تا کہ موجودہ بین الاقوامی معاشی بحران ( Global Economic Crisis ) میں شکوک و شبہات سے بچا جا سکے۔ جاری کئے گئے ڈیٹا کے مطابق اگست 2022ء کے دوران ملک میں افراط زر ( Inflation ) کی گزشتہ بارہ ماہ کی اوسط 20 بنیادی پوائنٹس کم ہو کر 6.8 فیصد پر آ گئی۔ جبکہ جولائی کے اعداد و شمار کے مطابق یہ شرح 7 فیصد تھی۔ اس طرح جاری کئے گئے اعداد و شمار توقعات کی نسبت مثبت رہے ہیں۔ واضح رہے کہ اس اہم ترین رپورٹ کے آسٹریلین ڈالر (AUD ) اوردیگر معاشی اعشاریوں پر مثبت اثرات مرتب ہوں گے۔