امریکی ریٹیل سیلز رپورٹ آج جاری کی جائے گی۔ جس کے اثرات امریکی ڈالر سمیت تمام عالمی مارکیٹس پر مرتب ہونے کی توقع ہے۔ رواں ماہ کے آغاز سے امریکی ڈالر پر مسلسل دباؤ اور مالیاتی بحران کے سبب یہ ڈیٹا انتہائی اہمیت اختیار کر گیا ہے۔ جسے U.S Census Beurau عالمی معیاری وقت کے مطابق 12.30 بجے پبلش کرے گا۔

امریکی ریٹیل سیلز رپورٹ کیا ہے اور یہ کتنی اہمیت کی حامل ہے ؟

امریکی محکمہ شماریات کی جاری کردہ یہ رپورٹ انتہائی اہمیت کی حامل ہے۔ اس سے نہ صرف امریکی ریٹیلز سیلز انڈسٹری کی صورتحال واضح ہوتی ہے بلکہ روزمرہ اشیاء پر افراط زر (Inflation) کے حقیقی اثرات کا بھی اندازہ لگایا جا سکتا ہے۔ گزشتہ ماہ جاری ہونیوالے ڈیٹا میں افراط زر کی شرح 2.9 فیصد رہی تھی۔ جبکہ آج مارکیٹ توقعات 1.4 فیصد کی ہیں۔ مارچ 2023ء کے ڈیٹا میں ریٹیل سیلز انڈسٹری کے حجم میں 0.6 فیصد کمی ریکارڈ کی گئی تھی۔ تاہم اس کا سب سے زیادہ منفی پہلو انڈسٹری سے 2 لاکھ 13 ہزار افراد کا بیروزگار ہونا تھا۔

اس رپورٹ کے اعداد و شمار CPI کی طرح ڈالر انڈیکس (DXY) اور بانڈز پر معکوس (Inverse) اثرات مرتب ہوتے ہیں جبکہ کماڈٹیز اور اسٹاکس کو براہ راست متاثر کرتے ہیں۔ یعنی اگر رپورٹ کا ڈیٹا مثبت ہوا تو امریکی ڈالر اور اسکے سرمایہ کاری بانڈز کی طلب (Demand) میں کمی واقع ہو گی کیونکہ مثبت ڈیٹا مارکیٹ پر افراط زر کے دباؤ میں کمی کو ظاہر کرتا ہے، جس سے FOMC کی آئندہ میٹنگ میں شرح سود (Fed) میں کم اضافے کا امکان پیدا ہو جاتا ہے۔

اس سے اسٹاکس اور کماڈٹیز کی طلب و قدر میں اضافہ ہو گا۔ رپورٹ کے منفی اعداد و شمار کے یا توقعات کے برعکس رہنے کی صورت میں اسٹاکس اور کماڈٹیز (بالخصوص گولڈ اور پلاٹینیئم) کی قدر میں شدید گراوٹ واقع ہو سکتی ہے لیکن ڈالر اور بانڈز کی طلب میں اضافہ ہو نے کی توقع ہے۔۔

کرپٹو کرنسیز پر ریٹیل سیلز رپورٹ کے متوقع اثرات

کرپٹو کرنسیز بھی اس ڈیٹا پر اپنا ردعمل اسٹاکس اور کماڈٹیز کی طرح براہ راست دیتی ہیں۔ یعنی مثبت ڈیٹا سے تیزی کا رجحان اور منفی آنے کی صورت میں طلب و قدر میں کمی تاہم اس کا انحصار امریکی ڈالر اور 10 سالہ مدت کی U.S Bond Yields پر ہوتا ہے۔ جن میں کمی سے کرپٹو کرنسیز سمیت دیگر تمام مارکیٹ پلیئرز کی قدر میں تیزی آتی ہے جبکہ ان میں ہونیوالے اضافے سے منفی ردعمل آتا ہے۔

عالمی فاریکس مارکیٹ کا جائزہ لیں تو یورو، فرانک، برطانوی پاؤنڈ بھی اس رپورٹ کے اثرات کی زد میں آئیں گے اور امریکی اسٹاکس و کماڈٹیز کی طرح ہی ردعمل ظاہر کرتی ہیں۔ آج شام مثبت ڈیٹا آنے کی صورت میں امریکی ڈالر مزید دفاعی انداز کر لے گا۔ جبکہ یورو اور دیگر کرنسیز اپنی Bullish Rallies جاری رکھیں گی تاہم منفی ڈیٹا سے چونکہ پالیسی ریٹس میں زیادہ اضافے کی توقع ہوتی ہے۔ جس کی وجہ سے امریکی ڈالر دیگر تمام حریفوں کو بیک فٹ پر لا سکتا ہے۔ آج رپورٹ کے انتظار میں دن بھر مارکیٹس محتاط انداز میں ٹریڈ کر سکتی ہیں۔