میپل لیف سیمنٹ، متاثر کن شیئر والیوم کے ساتھ PSX کا متحرک اسٹاک

گذشتہ دو روز سے PSX کے سیمنٹ سیکٹر میں تیزی دیکھی جا رہی ہے۔ میپل لیف سیمنٹ فیکٹری MLCF سیمنٹ سیکٹر کے انتہائی متحرک اسٹاکس میں شامل ہے اس تیزی کی بنیادی وجہ نئے ٹیکسز کے نفاذ کے بعد سیمنٹ کی قیمتوں میں ہونیوالا اضافہ ہے۔ MLCF کو انٹرا۔ڈے کے لئے انتہائی موزوں خیال کیا جاتا ہے لیکن موجودہ سطح پر اسکی Holding اگلے دو سے تین ماہ کے دوران 100 فیصد منافع دے سکتی ہے۔ آج کے سیشن میں میپل لیف 97 لاکھ سے زائد شیئرز کا والیوم حاصل کر چکا یے۔ گذشتہ ایک سال کے دوران اسکی کم ترین سطح 20 روپے 4 پیسے اور بلند ترین 39 روپے 2 پیسے رہی ہے۔ یہاں یہ بھی بتاتے چلیں کہ میپل لیف سیمنٹ فیکٹری کا قیام 13 اپریل 1960ء میں کمپنیز ایکٹ 1913ء کے تحت عمل میں لایا گیا (جسے بعد میں کمپنیز آرڈیننس 1984ء سے تبدیل کر دیا گیا تھا) میپل لیف دراصل کوہ نور ٹیکسٹائل ملز کی ذیلی کمپنی ہے ۔ یہ گروپ ٹیکسٹائل کمپوزیٹ اور ٹیکسٹائل اسپننگ سیکٹر کے علاوہ سیمنٹ، پاور جنریشن، کیپیٹل انویسٹمنٹ اور ٹیکسٹائل ویونگ سیکٹرز میں ایک نمایاں مقام رکھتا ہے جس سے ظاہر ہوتا ہے کہ گذشتہ 62 سالوں کے دوران گروپ اپنے صنعتی پیداواری بزنس کو کئی سمتوں میں Diversify کر چکا ہے۔ میپل لیف کا بنیادی سرمایہ اسکے قیام کے وقت 2 کروڑ 33 لاکھ روپے رکھا گیا تھا۔ تاہم پاکستان اسٹاک ایکسچینج میں اسکا ادا شدہ سرمایہ 1 ارب شیئرز سے بھی بڑھ چکا ہے جو کہ پرائیویٹ سیکٹر میں بہت کم کمپنیوں کا پروفائل ہے۔ اس کے آزادانہ ٹریڈنگ کے لئے دستیاب شیئرز کی تعداد 48 کروڑ 30 لاکھ سے زائد ہے۔ جو کہ اسکے مجموعی حجم کا 45 فیصد بنتا ہے۔ اسکا طویل المدتی ہدف 75 روپے فی شیئر کی سطح کا حصول ہے۔

ٹیکنیکی تجزیہ۔

آج میپل لیف سیمنٹ فیکٹری (MLCF) کے اسٹاکس میں کاروباری سرگرمیوں کا آغاز 22.28 کی سطح سے ہوا۔ جبکہ اس کے بعد اسکی کم ترین سطح 21.95 رہی۔ یہاں سے Bullish Rally کی صورت میں اپنی آج کی بلند ترین سطح 23.25 تک پہنچ گیا۔ اس طرح یہ اپنی 7 اور 21 روزہ Moving Average سے اوپر آ گیا جبکہ 50DMA سے نیچے ٹریڈ کر رہا ہے۔۔ MLCF کی 7DMA آج 22.45 ہے جو کہ موجودہ سطح (22.60) پر اسکی پہلی سپورٹ (S1) اور اسکا محور (Pivot) بھی ہے۔ اسکا ریلیٹو اسٹرینتھ انڈیکس (RSI) 50 سے اوپر آ گیا ہے جو کہ Bullish Sentiment کے آغاز کی علامت ہے۔ آج کی ٹریڈنگ رینج کا جائزہ لیں تو 20.44 اسکا Lower Lock اور 23.76 اسکا Upper Cap ہے۔ موجودہ سطح پر اسکی مزاحمتی حدیں (Resistance Levels) 22.80 کے بعد 23.00 کی نفسیاتی حد (Psychological Resistance) ہے۔ جس کے بعد 23.20 ہے۔ اور اس سے اوپر 23.60 تیسری مزاحمتی حد ہے۔ اب تک اس میں 97 لاکھ شیئرز کا لین دین ہو چکا ہے۔ موجودہ سطح سے نیچے اسکے سپورٹ لیولز 22.45, 22.15 اور 21.85 ہیں۔ دوسرے سپورٹ لیول کے Break ہونے سے یہ Bearish ایریا میں رواں سال کی کم ترین سطح کے قریب آ جائے گا۔ اسکے ٹیکنیکی انڈیکیٹرز اسے 52 فیصد Bullish اور 35 فیصد Bearish جبکہ 13 فیصد Sideways ظاہر کر رہے ہیں۔ اس طرح ادکا مجموعی جھکاؤ اور ارتکاز (Bias) بھی نیوٹرل ہے۔ لیکن 23.00 کے نفسیاتی مارک کو عبور کرنے پر اسے طویل المدتی اہداف اور کھوئی ہوئی قدر بحال کرنے کے لئے درکار اسٹرینتھ اور Bullish ریلی مل جائے گی۔ جس سے آنیوالے دنوں کے دوران MLCF ہمیں 25 سے 30 کے درمیان ٹریڈ کرتا ہوا دکھائی دے سکتا ہے۔ اسکے ٹیکنیکی انڈیکیٹرز موجودہ سطح کو خریداری کے لئے موزوں ترین لیول ظاہر کر رہے ہیں۔

دستبرداری

انتباہ۔۔۔۔ اردو مارکیٹس کی ویب سائٹ پر دستیاب آراء اور مشورے، چاہے وہ آرٹیکل ہوں یا پھر تجزیئے ، انفرادی مصنفین کے ہیں اور ضروری نہیں کہ وہ Urdu Markets کی نمائندگی کریں۔

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button