برطانیہ میں اسٹیبل کوائنز کے لیے BOE کا نیا ہدف اور ڈیجیٹل فنانس کا مستقبل

برطانوی حکومت نے مالیاتی نظام کو جدید خطوط پر استوار کرنے کی جانب ایک اہم قدم اٹھاتے ہوئے بینک آف انگلینڈ BOE کو ڈیجیٹل کرنسی، Stablecoins اور جدید ادائیگیوں کے شعبے میں جدت کو فروغ دینے کا ایک نیا قانونی ہدف دینے کا فیصلہ کیا ہے۔

اس اقدام کا بنیادی مقصد مالیاتی استحکام کو برقرار رکھتے ہوئے روایتی اور ڈیجیٹل ادائیگیوں کو ایک دوسرے کے قریب لانا اور برطانیہ کو عالمی معاشی سرگرمیوں کا ایک اہم مرکز بنانا ہے۔

ڈیجیٹل اثاثوں اور Stablecoins کے بڑھتے ہوئے استعمال کے باعث دنیا بھر کے مرکزی بینک اور مالیاتی ادارے اپنے Regulatory Frameworks کو جدید بنا رہے ہیں۔

برطانیہ کا نیا اقدام بھی اسی وسیع عالمی تبدیلی کا حصہ ہے، جس کے اثرات مالیاتی اداروں، کرپٹو کمپنیوں، سرمایہ کاروں اور صارفین پر مرتب ہونے کا امکان ہے۔ کرپٹو کی دنیا کے بڑے مارکیٹ پلیئرز اسوقت اپنی نظریں لندن پر جمائے ہوئے ہیں۔

Stablecoins کے لیے بینک آف انگلینڈ کا نیا ہدف کیا ہے؟

اسٹیبل کوائنز کے لیے Bank Of England کا نیا ہدف ایک قانونی ذمہ داری کی شکل اختیار کرے گا، جس کے تحت مرکزی بینک کو مالیاتی استحکام کو برقرار رکھتے ہوئے ڈیجیٹل ادائیگیوں اور اسٹیبل کوائنز میں جدت کی حوصلہ افزائی کرنا ہوگی۔

برطانوی حکومت Financial Services And Markets Bill میں ترمیم کے ذریعے اس Secondary Objective کو متعارف کروا رہی ہے۔ اس تبدیلی کے بعد مرکزی بینک کو ہر سال پارلیمنٹ میں ایک رپورٹ پیش کرنا ہوگی، جس میں بتایا جائے گا کہ اس نے ادائیگیوں کے نظام اور ڈیجیٹل مالیاتی شعبے میں جدت اور ترقی کے لیے کیا اقدامات کیے۔

اس اقدام سے ٹوکنائزڈ ڈیپازٹس، ڈیجیٹل اثاثوں اور جدید ادائیگی کے نظام کے لیے ایک زیادہ واضح اور شفاف ماحول پیدا ہونے کی توقع ہے۔ تاہم اس پورے عمل میں مالی استحکام کو بنیادی اہمیت حاصل رہے گی۔

عالمی مارکیٹس کے لیے یہ ریگولیٹری تبدیلی کیوں اہم ہے؟

جب برطانیہ جیسے بڑے عالمی معاشی سرگرمیوں کے مرکز کی جانب سے Regulatory Framework میں نمایاں تبدیلی کی جاتی ہے تو اس کے اثرات صرف مقامی مارکیٹ تک محدود نہیں رہتے بلکہ عالمی سطح پر بھی پڑ سکتے ہیں۔

اس وقت Stablecoins Market کی مالیت تقریباً 303 ارب ڈالر تک پہنچ چکی ہے، جو کہ گزشتہ سال کے آغاز میں یہ تقریباً 200 ارب ڈالر تھی۔ اس تیزی سے ظاہر ہوتا ہے کہ اسٹیبل کوائنز کا استعمال صرف کرپٹو ٹریڈنگ تک محدود نہیں رہا بلکہ ریٹیل ادائیگیوں اور دیگر مالیاتی سرگرمیوں میں بھی اس کی اہمیت بڑھ رہی ہے۔

Visa کے اعداد و شمار کے مطابق، 250 ڈالر سے کم مالیت کے ریٹیل لین دین میں Stablecoins کا استعمال 2019 میں تقریباً 500 ملین ڈالر سے بڑھ کر گزشتہ سال تقریباً 70 ارب ڈالر تک پہنچ گیا۔ یہ اعداد و شمار اس بات کی نشاندہی کر رہے ہیں کہ ڈیجیٹل کرنسی پر مبنی ادائیگیاں عالمی مالیاتی نظام میں تیزی سے جگہ بنا رہی ہیں۔

نئے قوانین جاری کرنے والوں اور ریزروز کو کیسے متاثر کریں گے؟

برطانیہ میں Stablecoins کے لیے Regulation مزید واضح ہوتے جا رہے ہیں۔ جون میں بینک نے افراد اور کاروباروں کے لیے اسٹیبل کوائنز رکھنے کی تجویز کردہ عارضی حدود ختم کر دیں اور اس کی جگہ ہر Systemic Stablecoin کے لیے 40 ارب پاؤنڈ، یعنی تقریباً 54 ارب ڈالر، کی عارضی Issuance Cap مقرر کر دی۔

اس کے علاوہ Stablecoin Issuers اپنے ذخائر کا 70 فیصد تک مختصر مدت کے برطانوی سرکاری قرضوں میں رکھ سکتے ہیں، جبکہ باقی حصہ مرکزی بینک کے پاس ڈپازٹس کی صورت میں رکھا جائے گا۔

اس نظام کا مقصد اسٹیبل کوائنز کے پیچھے موجود ذخائر کو زیادہ محفوظ اور قابلِ اعتماد بنانا، مارکیٹ میں لیکوئیڈٹی برقرار رکھنا اور کسی ممکنہ معاشی دباؤ کے اثرات کو محدود کرنا ہے۔

FCA کا اس پورے عمل میں کیا کردار ہے؟

FCA (Financial Conduct Authority) نے کرپٹو فرموں اور اسٹیبل کوائن جاری کرنے والوں کے لیے الگ Regulatory Rules کو حتمی شکل دے دی ہے۔ انڈسٹری کی جانب سے موصول ہونے والی آراء کے بعد ان ضوابط میں نسبتاً آسان Capital Requirements بھی شامل کیے گئے ہیں۔

تمام کمپنیاں 30 ستمبر سے اجازت نامے کے لیے درخواستیں دے سکتی ہیں، جبکہ نیا Regulatory Framework 25 اکتوبر 2027 کو باضابطہ طور پر نافذ العمل ہوگا۔ یہ فریم ورک کرپٹو کمپنیوں کے لیے قانونی تقاضوں کو زیادہ واضح کرے گا اور اس شعبے میں کام کرنے والے اداروں کو ایک منظم ماحول فراہم کرے گا۔ طویل مدت میں اس سے صارفین اور سرمایہ کاروں کے اعتماد کو مضبوط بنانے میں بھی مدد مل سکتی ہے۔

مستقبل کا منظرنامہ

برطانیہ کا یہ اقدام اس بات کی نشاندہی کرتا ہے کہ ڈیجیٹل اثاثے اور اسٹیبل کوائنز اب عالمی مالیاتی نظام کا ایک اہم حصہ بنتے جا رہے ہیں۔ BOE کو جدت کے حوالے سے قانونی ہدف دینا اس بات کا اشارہ ہے کہ برطانیہ مالیاتی ٹیکنالوجی کے مستقبل میں اپنا کردار مزید مضبوط کرنا چاہتا ہے۔

تاہم جدت کے ساتھ مالی استحکام کو برقرار رکھنا اس پالیسی کی کامیابی کے لیے بنیادی اہمیت رکھتا ہے۔ اگر نیا Regulatory Framework مؤثر ثابت ہوتا ہے تو اس سے کرپٹو کمپنیوں، معاشی اداروں اور صارفین کے لیے زیادہ شفاف اور قابلِ اعتماد ماحول پیدا ہو سکتا ہے۔

ٹریڈرز، سرمایہ کاروں اور مالیاتی اداروں کے لیے یہ تبدیلی خاص اہمیت رکھتی ہے، کیونکہ آنے والے برسوں میں اسٹیبل کوائنز اور ڈیجیٹل ادائیگیاں عالمی مالیاتی نظام میں مزید نمایاں کردار ادا کر سکتی ہیں۔

آپ کی کیا رائے ہے؟ کیا برطانیہ کے یہ نئے Stablecoins Regulations عالمی کرپٹو مارکیٹ کو مزید مستحکم اور قابلِ اعتماد بنانے میں مدد دے سکتے ہیں؟ اپنی رائے کمنٹ میں ضرور شیئر کریں۔

اہم وضاحت

Urdu Markets کی جانب سے فراہم کردہ تمام معلومات، تجزیے، اعداد و شمار، خبریں، مارکیٹ ڈیٹا اور دیگر مواد صرف معلوماتی اور تعلیمی مقاصد کے لیے پیش کیے جاتے ہیں۔ یہ مواد کسی بھی صورت میں مالیاتی، سرمایہ کاری یا ٹریڈنگ مشورہ تصور نہیں کیا جانا چاہیے۔

قارئین اور ٹریڈرز کسی بھی کاروباری فیصلے، سرمایہ کاری یا دیگر مالیاتی فیصلے سے قبل اپنی تحقیق کریں اور ضرورت کے مطابق کسی معاشی ایڈوائزر سے مشورہ حاصل کریں۔ Urdu Markets اپنی ویب سائٹ پر دستیاب معلومات کی بنیاد پر کیے گئے کسی بھی Trading Decision یا سرمایہ کاری کے نتیجے میں ہونے والے ممکنہ نقصان یا منافع کی ذمہ داری قبول نہیں کرتا۔