واشنگٹن(نیوز رپورٹ)۔ امریکہ میں ڈیزل کی قلت کے بعد قیمت تاریخ کی بلند ترین سطح پر آ گئی ہے۔ تفصیلات کے مطابق اسوقت امریکہ کی مختلف ریاستوں میں ڈیزل 5.61 ڈالر فی گیلن کی حکومتی قیمت کی بجائے 8 سے 10 ڈالر فی گیلن تک فروخت ہو رہا ہے۔ اور اتنی قیمت ادا کرنے کے باوجود دستیاب نہیں ہے۔ وائٹ ہاوس کے زرائع کے مطابق بائیڈن انتظامیہ نے ڈیزل کے ایمرجنسی ریزروز مارکیٹ میں ریلیز کرنے پر غور شروع کر دیا ہے۔ واضح رہے کہ اس سے پہلے امریکی حکومت نے 2012 ء میں سمندری طوفان ہری کین سے ہونیوالی تباہی کے بعد پیدا ہونے والی انرجی کی قلت کے باعث ڈیزل کے اسٹریٹیجک زخائر استعمال کئے تھے۔