اسلام آباد ( فاریکس رپورٹ)۔ آج دن بھر فاریکس مارکیٹ میں امریکی ڈالر مسلسل نیچے ٹریڈ ہوتا ہوا دکھائی دیا۔ آئی ایم ایف اور دوست ممالک کی طرف سے معاشی امداد کی یقین دہانی کے بعد پاکستان کے فائنانشل انڈیکیٹرز مسلسل بہتر ہو رہے ہیں آج اوپن مارکیٹ میں 14 روپے کی ریکارڈ کمی کے بعد ایک امریکی ڈالر 226 روپے کا ہو گیا ہے جبکہ انٹربینک میں امریکی ڈالر 10 روپے کی کمی کے بعد 228 روپے کی سطح پر آ گیا ہے۔ پاکستان فاریکس ایسوسی ایشن کے مطابق آنے والے دنوں میں امریکی ڈالر کی قدر میں مزید کمی متوقع ہے۔