معاشی ادارے کے۔ایم۔پی۔جی کی رپورٹ کے مطابق یوکرائن جنگ، مسلسل بڑھتے ہوئے افراط زر اور چین میں لاک ڈاون، ان تمام عوامل کی وجہ سے برطانیہ بہت جلد کساد بازاری کی لپیٹ میں آ سکتا ہے۔ رپورٹ کے مطابق یوکرائن جنگ کے بعد چین میں لاک ڈاون کی وجہ سے اشیائے ضروریہ کی رسد عدم توازن کی شکار ہوئی اور افراط زر بڑھ کر دوہرے ہندسوں میں داخل ہو چکی ہے اس کے سبب برطانوی معیشت شدید بحران کی لپیٹ میں ہے ۔ رپورٹ میں یہ انکشاف بھی کیا گیا ہے کہ 2022-23 کے معاشی سال میں برطانوی معیشت کی شرح نمو 0.7 فیصد تک سکڑ سکتی ہے۔