ٹوکیو( نیوز رپورٹ)۔ بینک آف جاپان کے سربراہ ہاروہیکو کروڈا نے کہا ہے کہ جاپانی مرکزی بینک کا غیر ضروری طور پر مانیٹری پالیسی کو سخت کرنے کا کوئی ارادہ نہیں ہے۔ انکا کہنا تھا کہ جاپانی معیشت کو نہ تو طویل المدتی خطرات لاحق ہیں اور نہ ہی جاپانی کرنسی ین عدم استحکام کی شکار ہے ۔ اسکے علاوہ جاپان کو تجارتی خسارے کا بھی سامنا نہیں ہے۔ اس لئے مانیٹری پالیسی کے سختی سے نفاز جیسی کوئی صورتحال نہیں ہے۔ اپنے بیان میں انہوں نے مزید کہا کہ بینک نے مزید شرح سود بڑھانے یا ین کے ایکسچیج ریٹ کو تبدیل کرنے کا کوئی فیصلہ بھی نہیں کیا۔