ماسکو( نیوز رپورٹ) : یوکرائن جنگ کے بعد پیدا ہونے والے معاشی
حالات کے بعد غیر متوقع معاشی حالات کے باعث میکڈونلڈ نے 30 سال کے بعد روس میں اپنے تمام ریسٹورینٹس مستقل طور پر بند کر دیئے ہیں ۔ میکڈونلڈز کی طرف سے جاری کردہ بیان میں کہا گیا ہے کہ جب تک کوئی روسی سرمایہ کار میکڈونلڈ کے تمام ملازمین جن کی تعداد 62 ہزار سے زائد ہے کو ملازمت کی یقین دہانی نہیں کرواتے تب تک میکڈونلڈز اپنے ملازمین کو تنخواہیں ادا کرے گا ۔ لیکن امریکی فاسٹ فوڈ چین کی یہ کوشش ہے کہ کوئی روسی سرمایہ کار معقول قیمت پر اسکے تمام ریسٹورینٹس خرید لے۔ کمپنی کا یہ کہنا ہے کہ اب تک انہیں ایسا کوئی سرمایہ کار مل نہیں سکا ہے۔ واضح رہے کہ میکڈونلڈز نے 90 کی دہائی میں روس میں اپنے ریسٹورینٹس شروع کئے تھے اور روس میں میکڈونلڈز کو سرد جنگ کے اختتام کی علامت سمجھا جاتا ہے۔