ریاض( نیوز رپورٹ)۔۔ عالمی مارکیٹ میں ذرائع توانائی کی قیمتوں کو کنٹرول کرنے کے لئے امریکی درخواست سعودی عرب کی زیر قیادت اوپیک نے ایک بار پھر مسترد کر دی ہے۔ ذرائع کے مطابق امریکی صدر کے پیغام کے ساتھ وائٹ ہاوس کے ایک وفد نے سعودی عرب کا دورہ کیا ہے اور یوکرائن جنگ کے بعد روس پر عائد بین الاقوامی پابندیوں کے بعد پیدا ہونے والے تیل کے بحران اور بڑھتی ہوئی قیمتوں کے پیش نظر سعودی عرب اور تیل پیدا کرنے والے ممالک کی تنظیم اوپیک پر خام تیل کی پیداوار بڑھانے پر زور دیا ہے لیکن تیل کی عالمی رسد میں عدم توازن کے پیش نظر سعودی عرب نے پیداوار بڑھانے سے معذرت کر لی ہے۔